Нуфузли Forbes нашри 2026 йилнинг энг бой одамлари рўйхатини эълон қилди. Унга кўра, бу йил дунёда миллиардерлар сони 3428 нафарга етди, уларнинг жами бойлиги эса 20,1 триллион долларни ташкил этмоқда.

Tesla ва SpaceX компаниялари эгаси Илон Маск кетма-кет иккинчи йил Forbes талқинига кўра дунёнинг энг бой миллиардерлари рейтингида биринчи ўринни эгаллади. Унинг бойлиги 839 миллиард долларга баҳоланмоқда. Бу ўтган йилги кўрсаткичдан ($342 млрд) деярли 2,5 баравар кўпроқдир.

Топ 10 энг бой шахслар:

#	Исм	Бойлик	Даромад манбаи	Давлат
1	Илон Маск	$839 млрд	Tesla, SpaceX	АҚШ
2	Ларри Пейж	$257 млрд	Google	АҚШ
3	Сергей Брин	$237 млрд	Google	АҚШ
4	Жефф Безос	$224 млрд	Amazon	АҚШ
5	Марк Цукерберг	$222 млрд	Meta	АҚШ
6	Ларри Эллисон	$190 млрд	Oracle	АҚШ
7	Бернар Арно	$171 млрд	LVMH	Франция
8	Женсен Хуанг	$154 млрд	NVIDIA	АҚШ
9	Уоррен Баффетт	$149 млрд	Berkshire Hathaway	АҚШ
10	Амансио Ортега	$148 млрд	Zara	Испания

Маск энг яқин рақибларидан анча олдинда. Рейтингда иккинчи ўринни Google асосчиларидан бири Ларри Пейж (257 млрд доллар) эгаллаган бўлса, учинчи ўринда яна бир ҳаммуассис Сергей Брин (237 млрд доллар) жойлашди. Уларнинг бойлиги ўтган йилга нисбатан сезиларли даражада ошган.

Бу йил 100 миллиард доллардан ортиқ бойликка эга миллиардерлар сони ҳам рекорд даражага етиб, 20 нафарга чиқди (ўтган йили 15 нафар эди). Уларнинг қарийб ярми технология соҳасида бойлик орттирган.

АҚШ ҳали ҳам миллиардер фуқаролар сони бўйича энг юқори кўрсаткичга эга — рекорд даражадаги 989 нафар. Ундан кейинги ўринларни Хитой (539), Ҳиндистон (229) ва Германия (212) эгаллаб турибди. Манба: Forbes

Мамлакатлар кесимида эса АҚШ миллиардерлар сони бўйича етакчи бўлиб қолмоқда — мамлакатда рекорд даражадаги 989 нафар миллиардер бор. Улардан 15 нафари рейтингдаги энг бой 20 кишилик рўйхатга киради. Иккинчи ўринда Хитой (Гонконг билан бирга) — 610 нафар, учинчи ўринда эса Ҳиндистон — 229 нафар миллиардер билан қайд этилган.

2026 йилнинг энг бой одамлари – Forbes