Январь-июнь ойларида савдо соҳасидаги товар айланмаси $35,9 млрдни ташкил қилди

2025 йилнинг январь–июль ойларида савдо соҳаси корхоналари томонидан 20,2 трлн сўм солиқ тўланди. Бу ҳақда Давлат солиқ қўмитаси маълумот берди.

Расмий ҳисоботга кўра, мазкур даврда савдо соҳасида фаолият юритаётган 147,2 мингта юридик шахс қайд этилган. Уларнинг умумий товар айланмаси 443,1 трлн сўм, солиқ имтиёзлари ҳажми эса 3,8 трлн сўмни ташкил этган.

ТОП-20 солиқ тўловчилар улуши

Соҳада энг йирик солиқ тўловчилар қаторига кирувчи ТОП-20 корхона умумий ҳисобда 1,58 трлн сўм солиқ тўлаган. Бу кўрсаткич соҳадан тушган умумий солиқларнинг 7,8 фоизини ташкил этади.

Уларнинг товар айланмаси 30,5 трлн сўм (6,9 фоиз улуш), солиқ имтиёзлари ҳажми эса 213,1 млрд сўм бўлиб, умумий имтиёзларнинг 5,6 фоизига тенг.

Энг кўп солиқ тўловчи корхоналар

Рўйхатнинг юқори қисмида қуйидаги йирик компаниялар жой олди:

• Anglesey Food МЧЖ ХК(Korzinka) – 222,5 млрд сўм,
• Total Oil Invest МЧЖ – 192,5 млрд сўм,
• Uzum Market МЧЖ ХК – 137,6 млрд сўм,
• UNG Petro МЧЖ – 108,1 млрд сўм,
• “Наманган-Истиқлол Боқи” МЧЖ – 107,5 млрд сўм.

Шунингдек, Asr and Co МЧЖ (90,5 млрд сўм), Intermax Petroleum МЧЖ (75,8 млрд сўм), Grand Pharm Trade МЧЖ (72,9 млрд сўм), Nestle Food МЧЖ (60,2 млрд сўм) ва Alif Moliya МЧЖ (57,7 млрд сўм) ҳам энг кўп солиқ тўловчи корхоналар қаторидан жой олган.

Солиқлар таркибида асосий улушни ҚҚС (35%), акциз солиғи (23,7%) ва фойда солиғи (18,6%) эгаллади.