Суғурта компаниялари тўққиз ойда қанча соф фойда олди?
Ўзбекистондаги суғурта компанияларининг 2026 йилнинг 9 ойидаги соф фойдаси жами соф фойдаси 788,9 млрд сўмга етиб, бир йилда 54,8 фоизга ошди.
APEX Insurance ва Euroasia Insurance биргаликда сектор умумий натижасининг 44,5 фоизини таъминлади.
Айни пайтда, тўртта компания тўққиз ойни жами 14,6 млрд сўм зарар билан якунлади.
Pinkod молиявий ҳисоботлар асосида суғурта компанияларининг молиявий натижаларини ўрганиб чиқди.
Pinkod молиявий ҳисоботлар асосида суғурта компанияларининг 2026 йил тўққиз ойидаги соф натижаларини ўрганиб чиқди.
Ҳисобот тақдим этган 37 та ташкилотнинг 33 таси жами 803,5 млрд сўм соф фойда олди. Зарар билан ишлаган тўртта компаниянинг умумий салбий натижаси 14,6 млрд сўмни ташкил этди. Натижада секторнинг жами соф фойдаси ўтган йилнинг мос давридаги 509,8 млрд сўмдан 788,9 млрд сўмга етди.
Бозордаги фойданинг катта қисми йирик компаниялар ҳиссасига тўғри келмоқда. APEX Insurance ва Euroasia Insurance биргаликда 351,4 млрд сўм фойда олган. Бироқ уларнинг жами натижадаги улуши биринчи ярим йилликдаги 51,2 фоиздан 44,5 фоизга тушган.
25 млрд сўмдан кўп фойда олганлар
| Компания | Соф фойда | Йиллик ўзгариш |
|---|---|---|
| APEX Insurance | 208,8 млрд сўм | +2,6% |
| Euroasia Insurance | 142,6 млрд сўм | +280,3% |
| “Ўзбекинвест” | 57,4 млрд сўм | +26,8% |
| TBC Sug‘urta | 42 млрд сўм | +203,2% |
| Mosaic Insurance Group | 38,9 млрд сўм | +39,4% |
| Gross суғурта | 33,3 млрд сўм | +376,5% |
| “Кафолат суғурта” | 28,8 млрд сўм | +90,9% |
| “Имкон-Суғурта” | 26,1 млрд сўм | +328,9% |
Ушбу саккизта компания тўққиз ойда жами 577,9 млрд сўм соф фойда олган. Бу секторнинг умумий соф натижасининг 73,3 фоизига тенг.
APEX Insurance бозордаги етакчиликни сақлаб қолди. Компаниянинг 208,8 млрд сўмлик фойдаси сектор жами соф натижасининг 26,5 фоизини ташкил этди. Бироқ йиллик ўсиш 2,6 фоиз бўлиб, ушбу гуруҳдаги энг паст кўрсаткич қайд этилди.
Энг катта мутлақ ўсиш Euroasia Insurance’да кузатилди. Компания соф фойдасини 105,1 млрд сўмга ошириб, 142,6 млрд сўмга етказган.
TBC Sug‘urta фойдасини 13,8 млрд сўмдан 42 млрд сўмга етказиб, Mosaic Insurance Group’ни ортда қолдирди ва тўққиз ой якуни бўйича тўртинчи ўринга кўтарилди.
10 млрддан 25 млрд сўмгача фойда олганлар
| Компания | Соф фойда | Йиллик ўзгариш |
|---|---|---|
| “Халқ Суғурта” | 24,4 млрд сўм | +240,6% |
| “Темирйўл-Суғурта” | 22,9 млрд сўм | +557,8% |
| “Кафил-Суғурта” | 22,7 млрд сўм | +50,9% |
| Infinity Insurance | 21,4 млрд сўм | +426,3% |
| Quantum Insurance | 20,2 млрд сўм | +247,6% |
| “Ҳамкор Суғурта” | 18,5 млрд сўм | −1,5% |
| SQB Insurance | 18,4 млрд сўм | +6,6% |
| Neo Insurance | 14 млрд сўм | +1 432,4% |
| Aria Sug‘urta | 10,5 млрд сўм | +184,2% |
| Ўзбекистон қайта суғурта компанияси | 10,1 млрд сўм | +2 204,5% |
Мутлақ ҳисобда “Темирйўл-Суғурта” фойдасини 19,4 млрд сўмга, Infinity Insurance 17,3 млрд сўмга, “Халқ Суғурта” эса 17,2 млрд сўмга оширган.
Айни пайтда, “Ҳамкор Суғурта”нинг соф фойдаси 18,8 млрд сўмдан 18,5 млрд сўмга камайган. SQB Insurance’да эса фойда 6,6 фоизга ўсиб, 18,4 млрд сўмга етган.
1 млрддан 10 млрд сўмгача фойда олганлар
| Компания | Соф фойда | Йиллик ўзгариш |
|---|---|---|
| My Insurance | 8,8 млрд сўм | −64,1% |
| Alfa Invest | 5,9 млрд сўм | −78,2% |
| Semurg Insurance | 5,3 млрд сўм | +5 939,3% |
| O‘zbekinvest Hayot | 3,7 млрд сўм | +57,9% |
| “Ўзагросуғурта” | 3,7 млрд сўм | −81,8% |
| Apex Life Insurance | 3,2 млрд сўм | +2 049,6% |
| “Капитал Суғурта” | 3,1 млрд сўм | зарардан фойдага |
| Kafolat Hayot Insurance | 3,1 млрд сўм | +278% |
| INSON | 2,4 млрд сўм | +18% |
| Impex-Insurance | 1,1 млрд сўм | −78,8% |
Ушбу гуруҳда Semurg Insurance энг катта нисбий ўсишни қайд этди. Компания фойдасини 87,3 млн сўмдан 5,3 млрд сўмга етказган. Apex Life Insurance натижаси эса 147,1 млн сўмдан 3,2 млрд сўмга ошган.
Айни пайтда, My Insurance фойдаси 24,6 млрд сўмдан 8,8 млрд сўмга, Alfa Invest’ники 26,9 млрд сўмдан 5,9 млрд сўмга камайган. “Ўзагросуғурта”да ҳам соф фойда 20,2 млрд сўмдан 3,7 млрд сўмга тушган.
“Капитал Суғурта” ўтган йилнинг тўққиз ойидаги 1,5 млрд сўмлик зарарни жорий йилда 3,1 млрд сўмлик фойдага айлантирган.
1 млрд сўмдан кам фойда олганлар
| Компания | Соф фойда | Йиллик ўзгариш |
|---|---|---|
| Alfa Life Insurance | 949,7 млн сўм | −42% |
| IShONCh суғурта | 900 млн сўм | −1,3% |
| Alskom Sug‘urta | 209,6 млн сўм | −98,5% |
| Trust Insurance | 183,8 млн сўм | зарардан фойдага |
| Agros Hayot | 65,4 млн сўм | −52,9% |
Alskom Sug‘urta фойдаси 14 млрд сўмдан 209,6 млн сўмгача қисқарган. Шунга қарамай, компания биринчи ярим йилликдаги 2,2 млрд сўмлик зарардан тўққиз ой якунида фойдага чиқди.
Trust Insurance ҳам ўтган йилнинг мос давридаги 766,2 млн сўмлик зарар ўрнига 183,8 млн сўм соф фойда қайд этган.
Зарар билан якунлаганлар
| Компания | Соф натижа | Ўзгариш |
|---|---|---|
| Prestige Insurance | −10,2 млрд сўм | зарар юзага келган |
| Asia Insurance | −3,9 млрд сўм | зарар 79,9% камайган |
| “Фаровон Суғурта” | −454,6 млн сўм | зарар 8,5% ошган |
| Euroasia Life Insurance | −83,4 млн сўм | зарар 71,9% камайган |
Энг катта зарар Prestige Insurance’да қайд этилди. Компаниянинг зарари биринчи ярим йилликдаги 5,6 млрд сўмдан тўққиз ой якунида 10,2 млрд сўмга етган. Демак, фақат учинчи чоракнинг ўзида яна 4,6 млрд сўм салбий натижа шаклланган.
Asia Insurance ўтган йилги 19,3 млрд сўмлик зарарни 3,9 млрд сўмгача қисқартирган. Бироқ компания 2026 йил биринчи ярим йиллигини 49,7 млн сўм фойда билан якунлаганидан кейин учинчи чоракда яна зарарга ўтди.
“Фаровон Суғурта”да ҳам шундай ўзгариш кузатилди. Компания биринчи ярим йилликда 225,1 млн сўм фойда олган бўлса, тўққиз ой якунида 454,6 млн сўм зарар қайд этган.
Изоҳ: йиллик ўзгаришлар компанияларнинг 2026 йилги ҳисоботларида қайта кўрсатилган 2025 йилнинг мос даври рақамлари асосида ҳисобланди.
