Samsung’нинг янги смартфонлар серияси – Galaxy S25 ҳақида нималар маълум?
Samsung ўзининг янги флагманларини тақдим қилишига икки ҳафтадан камроқ вақт қолгани фонида янги линия ҳақида бир-биридан янги инсайдлар чиқиб келмоқда. Янги S25 Ultra iPhone 16 Pro Max ва Google Pixel 9 Pro каби юмалоқроқ тузилишга эга бўлади.
2025 йилнинг 22 январида Galaxy Unpacked тадбирида Samsung ўзининг энг сўнгги флагман смартфонлари – Galaxy S25 сериясини расман намойиш этади. Ушбу серия замонавий дизайн ва илғор технологиялар билан жиҳозланган бўлиб, бозорнинг етакчи рақобатчиларидан бири бўлишга ваъда бермоқда.
Samsung Galaxy S25
Дисплей: 6,17 дюймли AMOLED, олдинги моделга қараганда бироз каттароқ ва ингичка рамкалар билан.
Процессор: Snapdragon 8 Elite чипи – яхшиланган ишлаш, энергия самарадорлиги ва илғор сунъий интеллект имкониятлари билан.
Оператив хотира: 12 ГБ (аввалги моделда 8 ГБ эди).
Камера: уч линзали тизим сақланиб қолган, кам ёритилган шароитларда яхшиланган суратга олиш имконияти.
Батарея: 4,200 мА/соат сиғим, 25В симли ва 15В симсиз қувватлаш имконияти.
Ранглар: Silver Shadow, Mint, Icy Blue ва Navy, айрим минтақалар учун махсус ранг вариантлари.
Нарх: энг кичик ҳажмлиси учун $799–$849 атрофида.
Samsung Galaxy S25 Plus
Дисплей: 6,7 дюймли QHD+ LTPO AMOLED, 120 Hz янгиланиш частотаси билан тиниқ тасвир ва силлиқ ишлаш.
Камера:
- 50 МП асосий линза илғор оптик тасвир барқарорлиги (ОИС) билан.
- 12 МП ултра кенг.
- 10 МП телефото линза, оптик зум учун.
Батарея: 4,900 мА/соат сиғим, 45В симли ва 25В симсиз қувватлаш имконияти билан узоқ муддат фойдаланиш.
Махсус функциялар:
- Ultra-Wideband (UWB) технологияси – ақлли қурилмалар билан яхшироқ уланиш.
Ранглар: Silver Shadow, Navy ва эксклюзив вариантлар.
Нарх: энг кичик ҳажмлиси учун 999$--$1,099 атрофида.
Samsung Galaxy S25 Ultra
Дизайн: юмалоқ бурчаклар, текис ён томонлар.
Дисплей: 6,8–6,9 дюймли QHD LTPO AMOLED, 120 Hz янгиланиш частотаси ва 3,000 нит ёрқинлик.
Камера:
- 200 МП асосий сенсор юқори деталларни қайд этиш учун.
- 50 МП ултра кенг сенсор.
- 50 МП перископ телефото линза, 5х оптик зум билан.
- 50 МП телефото линза портрет ва яқин суратлар учун.
Батарея: 5,000 мА/соат, 45В симли ва 25В симсиз тез қувватлаш.
Махсус функциялар:
- С-Пен қўллаб-қувватлови, янада тезроқ ишлаш билан.
- Фавқулодда SOS ва GPS кузатув учун сунъий йўлдош алоқа технологияси.
Ранглар: Titanium Black, Titanium Gray, Titanium Jade Green ва айрим бозорларга мослаштирилган вариантлар.
Нарх: $1,299 дан бошланиши кутилмоқда.
