Ўзбекистон бозорида олтин нархи йил бошидан бери 37-марта рекорд ўрнатди
7 сентябр ҳолатига кўра, Марказий банк белгилаган бир грамм олтин нархи 1 млн 577 минг сўмни ташкил этди. Бу кетма-кет бешинчи кун қайд этилган рекорддир. Жаҳон бозорида эса олтиннинг спот нархи бир унция учун $3 978 гача кўтарилди
Ўзбекистон ва жаҳон бозорида олтин нархларининг изчил ўсиши кузатилмоқда. 7 сентябр куни Марказий банк томонидан муомалага чиқарилган олтин қуймасининг бир грамм нархи 1 млн 577 минг сўмни ташкил этди.
Бу кетма-кет бешинчи кун давомида олтин нархининг янги рекорд даражага кўтарилиши ҳисобланади.
Маҳаллий бозорда 2025 йил бошидан буён олтин нархлари 37-марта рекорд даражага чиққан. Шу давр мобайнида нархлар 39,3 % га ошган бўлса, ўтган йилнинг шу кунига нисбатан ўсиш 40,7 % ни ташкил этди.
Жаҳон бозорида эса олтиннинг спот нархи бир унция учун $3 978 гача кўтарилди, бу эса бир грамм учун $128 га тенг.
Швейсариянинг йирик молиявий институти UBС банки 2025 йил охири учун олтин нархи прогнозини аввалги $3 800 дан $4 200 гача оширди.
