Июнь ойида Тошкент супермаркетларидаги айрим маҳсулотлар нархи арзонлади
Ўрганиш олиб борилган 21 турдаги маҳсулотдан 9 тасининг минимал нархи пасайган, 6 тасиники ошган ва яна 6 тасиники эса ўзгаришсиз қолган.
2025 йилнинг июнь ойида Тошкент шаҳридаги йирик супермаркетларда озиқ-овқат маҳсулотлари нархларида сезиларли ўзгаришлар кузатилди. Бу ҳақда Макроиқтисодий ва ҳудудий тадқиқотлар институти (МҲТИ) хабар берди.
МҲТИ мутахассислари томонидан 2025 йил 7 майдан 12 июнгача бўлган даврда 21 номдаги асосий озиқ-овқат маҳсулотининг минимал нархлари таҳлил қилинди. Тадқиқот натижаларига кўра:
Нархи пасайган маҳсулотлар:
9 номдаги маҳсулот бўйича минимал нархлар ўтган ойга нисбатан арзонлашган:
- Оқбош карам – 64,2% га
- Помидор – 44,7% га
- Бодринг – 36,5% га
- Лавлаги – 21,5% га
- Банан – 13,0% га
- Олма – 8,4% га
- Гуруч – 7,3% га
- Мол гўшти (филе) – 6,3% га
- Картошка – 6,0% га
Нархи ошган маҳсулотлар:
6 та маҳсулотнинг нархида эса ўсиш қайд этилган. Жумладан, лимон нархида энг катта ўсиш кузатилди, бу эса мавсумий омиллар билан изоҳланмоқда.
Нархи ўзгармаган маҳсулотлар:
Қуйидаги маҳсулотлар бўйича минимал нархлар ўзгаришсиз қолди:
- Буғдой уни
- Гречка
- Макарон
- Тухум
- Маргарин
- Кунгабоқар ёғи
МҲТИ маълумотларига кўра, нархлар ўзгаришига бозор конъюнктураси, мавсумий таъминот ва логистика омиллари таъсир кўрсатмоқда.
Аввалроқ, май ойида инфляция 2024 йил июнидан бери энг юқори даражага етгани хабар берилган эди.
Май ойида йиллик инфляция 8,7 фоизгача пасайиб, сўнгги 12 ой ичидаги энг паст даражага тушди. Шу билан бирга, ойлик инфляция 1,5 фоизни ташкил этиб, 2024 йил июнидан бери энг юқори даражага етди.
