iPhone 17 моделлари қачон тақдим этилиши маълум бўлди
Янги смартфонлар 9 сентябрь куни намойиш этилиб, 19 сентябрдан сотувга чиқарилиши кутилмоқда.
Apple компанияси навбатдаги катта тақдимот санасини эълон қилди. Янги iPhone 17 серияси 2025 йил 9 сентябрь куни жамоатчиликка тақдим этилади.
Анъанага кўра, тақдимотдан кейин қисқа муддат ичида олдиндан буюртмалар қабул қилинади. Манбаларга кўра, пре-ордерлар 12 сентябрда, дўконлардаги сотувлар эса 19 сентябрда бошланиши кутилмоқда.
Нархлар ошиши кутилмоқда
Сўнгги йилларда барқарор бўлиб келган нархлар бу сафар ошиши мумкин. Хусусан, янги Air, Pro ва Pro Max моделлари учун нарх 50 долларгача кўтарилиши тахмин қилинмоқда. Оддий iPhone 17 эса $799 бошланғич нархида қолиши мумкин.
АҚШ бозорида iPhone 17’ларнинг тахминий нархлари:
- iPhone 17 Air — $949
- iPhone 17 Pro — $1,049
- iPhone 17 Pro Max — $1,249
Камера ва дизайн янгиликлари
Янги iPhone 17 серияси камералар бўйича сезиларли ўзгаришларга эга бўлади:
- Барча моделларда олд камера 24MP (аввалги 12MP ўрнига), бу селфи сифатини оширади ва 2х зоом имконини беради.
- iPhone 17 Pro — 48MP телефото камера, 3.5х оптик зоом (85 мм) ва 12MP 7х cроп zoom функцияларига эга.
- Янги “камера панели” дизайни Pro ва Air моделлари учун тўлиқ орқа қопқоқни эгаллайди. Оддий iPhone 17 эса икки камерали вертикал модуль билан келади.
- Сўнгги сизинтиларга кўра, iPhone 17 Pro’да 8х телефото zoom, махсус камера бошқарув тугмаси ва про-даражадаги камера иловаси бўлиши ҳам мумкин.
iPhone 17 Air — энг юпқа iPhone
Янги iPhone 17 Air модели аввалги Plus вариантининг ўрнини босади. У “Slim” номи билан ҳам аталмоқда ва қуйидаги хусусиятлари билан ажралиб туради:
- Қалинлиги атиги 6,25 мм, энг юпқа қисми — 5,5 мм.
- Каттароқ дисплей ва ихчам дизайн.
- Бироқ юпқалашиш натижасида батарея сиғими 2800 мА/с атрофида бўлиб, бу iPhone 16’дагидан қарийб 20 фоиз кичик.
- Нархи тахминан $899 бўлиши мумкин.
- Қурилма А19 ёки А19 Pro чип билан жиҳозланади, орқа қисмида 48MP камера, олд қисмида эса 24MP камера бўлади.
