InFinBank’да бошқарув раиси ўзгарди
Банкнинг амалдаги Бошқарув раиси Нуманова Олга Леонидовнанинг ваколати муддатидан илгари 28 ноябрдан тугатилди. Унинг ўрнига Джураев Бахтиёржон Самадович 1 декабрдан мазкур лавозимига тайинланди.
27 ноябрь куни InFinBank АЖ акциядорларининг навбатдан ташқари умумий йиғилиши бўлиб ўтди. Бу ҳақда Корпоратив маълумотлар ягона порталида хабар берилган.
Йиғилиш якунларига кўра, банкнинг амалдаги Бошқарув раиси Нуманова Олга Леонидовнанинг ваколати муддатидан илгари 28 ноябрдан тугатилди. Унинг ўрнига Джураев Бахтиёржон Самадович 2025 йил 1 декабрдан InFinBank АЖ Бошқарув раиси лавозимига тайинланди.
Бахтиёржон Джураев Ўзбекистон Республикаси Марказий банки билан келишиб олинганидан сўнг, Бошқарув раиси лавозимида мажбуриятларини бажаришга киришади. Унгача эса Бошқарув раисининг вазифаларини вақтинчалик бажарувчи сифатида фаолият юритади.
Бахтиёржон Джураев 1982 йил 1 октябрь куни Қашқадарё вилоятида туғилган. Меҳнат фаолиятини банк соҳасида 2001 йилда бошлаган. Бунга қадар у банк бошқарув раисининг биринчи ўринбосари лавозимида ишлаб келаётган эди.
Аввалроқ Pinkod “Тадбиркорликни ривожлантириш компанияси” АЖ InfinBank акциядорига айлангани ҳақида хабар берган эди.
