Фикрловчи AI: Google янги Gemini 2.5 моделини тақдим қилди.
Компания мазкур моделни дунёдаги энг ақлли фикрловчи сунъий интеллект деб атамоқда.
Google 25 март куни Gemini 2.5 номли янги сунъий интеллект (AI) моделларини тақдим этди. Улар инсон даражасига яқин мулоҳаза юритиш ва фактларни текшириш қобилиятига эга.
Тақдимотнинг марказида Gemini 2.5 Pro Experimental бўлиб, у Google’нинг ҳозиргача яратилган энг илғор мултимодал модели сифатида тасвирланмоқда. Янги модель Google AI Studio ва Gemini Advanced иловалари орқали фойдаланишга тақдим этилди. Премиум версия ойига $20 туради.
Gemini 2.5 Pro SI технологияларидаги рақобатга қўшилган энг сўнгги иштирокчи бўлди. Бу тренд OpenAI компаниясининг о1 модели билан бошланган эди. Шундан бери Anthropic, DeepSeek, Google ва xAI компаниялари мураккаб математик ва дастурлаш масалаларини аниқ ҳал қилувчи илғор тизимларни ишлаб чиқмоқда. Google эса бу технологияни келажакдаги барча AI моделларида стандарт қилиб жорий қилишини эълон қилди.
Бенчмарк натижалари
Дастлабки тестлар Gemini 2.5 Pro нинг кучини тасдиқламоқда:
- Аидер Полйглот (код ёзиш тести): 68,6% натижа билан OpenAI, Anthropic ва DeepSeek дан устун бўлди.
- SWE-бенч Verified (дастурий муҳандислик тести): 63,8%, бу Claude 3.7 Sonnet (70,3%) дан пастроқ.
- “Humatiy’s Last Exam” (фанлар бўйича кенг қамровли тест): 18,8% натижа билан аксарият рақобатчиларни ортда қолдирди.
Энг эътиборли ютуқлардан бири — 1 миллион токенлик контекст ойнаси бўлиб, модель тахминан 750 000 та сўз ёки “Узуклар ҳукмдори” трилогиясининг ҳажмидаги маълумотлар билан ишлай олади. Google яқин келажакда бу кўрсаткични 2 миллион токенгача оширишни режалаштирмоқда.
