Давлат томонидан бериладиган ипотека кредитлари бўйича фоиз ставкалари пасайтирилди
Фоиз ставкаси 2 фоизга пасайтирилган бўлиб, ҳозирда бир неча банклар бундай ипотека кредитларини таклиф қилмоқда.
Ўзбекистон ипотекани қайта молиялаштириш компанияси ипотека кредитлари фоиз ставкаларининг туширилганини эълон қилди. Бу ҳақда ташкилот матбуот хизмати хабар берди.
Президентнинг 2024 йил 21 февралдаги фармонига мувофиқ, компаниянинг белгиланган талаблари асосида ҳамкор банклар томонидан ажратиладиган ипотека кредитларининг янгиланган шартлари белгиланди.
Батафсил шартлар:
Ипотека кредитлари 20 йилгача муддатга берилади ва бирламчи бозордан уй-жой сотиб олиш учун мўлжалланган. Ушбу кредитлардан расмий даромадга эга бўлган шахслар фойдаланиши мумкин. Кредит миқдори Тошкент шаҳри учун 800 млн сўмгача, Қорақалпоғистон Республикаси ва вилоятлар учун эса 500 млн сўмгача этиб белгиланган.
Фоиз ставкалари ўзгариши:
Аввал ипотека кредитининг фоиз ставкаси Марказий банкнинг асосий ставкаси + 8% эди (яъни 21,5%). Эндиликда ушбу миқдор Марказий банк асосий ставкаси + 6% этиб белгиланди. Ҳозирги кунда бу 19,5% фоизни ташкил қилади.
Ипотека кредитлари қуйидаги банкларда мавжуд:
- Ҳамкорбанк – 1256
- InFinBank – 1214
- ОФБ – 4004
- Агробанк – 1216
- Асакабанк – 1152
- Ипотека банк – 1233
- Миллий банк – 1344
- Халқ банки – 1106
- БРБ – 1254
- Туронбанк – 1220
Банкларнинг мавжуд филиаллари ҳақидаги маълумотни мазкур ҳавола орқали олиш мумкин
