Банкларда микроқарзлар бўйича ўртача фоиз ставкаси бироз пасайди

Марказий банк анъанавий равишда микроқарзлар бўйича банклар кесимидаги ўртача фоиз ставкаларини эълон қилди. 

Унга кўра, ушбу кўрсаткич бир ҳафта давомида бироз пасайиб (−0,2%), 36,1 фоизни ташкил қилди. Шунга қарамасдан, бу ўтган ойнинг шу даврига нисбатан 1,3 фоизга юқоридир.

Банклар кесимида энг юқори микроқарз ставкаси TBC Bank’да қайд этилиб, у 42,4 фоизни ташкил этди. Шунингдек, Анор банк (40,2%) ва Tenge bank’да (39,8%) ҳам фоиз ставкалари юқори эканлигини кўриш мумкин.

Ўртача кўрсаткичдан юқори ставкалар

Ўртача даражадан юқорироқ ставкалар кузатилган бошқа банклар қаторига:

• Давр банк – 37,4%,
• Ипотека банк – 36,8%,
• Apex bank – 35,9% киради.

Нисбатан паст фоиз ставкалари

Микроқарзлар бўйича энг паст ставка Алоқабанкда кузатилиб, 21,8%ни ташкил этди. Шунингдек:

• Агробанк – 27,6%,
• Микрокредитбанк – 27,3%,
• Асака банк – 27,0%,
• Infin банк – 26,8%,
• Траст банк – 26,6%,
• Orient Finans bank– 26,3%,
• NBU– 26,0% ҳам паст ставкаларни таклиф қилаётган банклар сирасига киради.

Қатор банкларда эса ставкалар 28–30 фоиз оралиғида шаклланди. Масалан, Капиталбанк – 28,0%, Ziraat банк – 28,3%, Турон банк – 28,4%, BRB– 28,5%, Халқ банки – 28,7%, Asia Alliance bank– 29,6%, Гарант банк – 29,7%, SQB– 29,8%, Пойтахт банк – 29,9% каби кўрсаткичлар қайд этилган.

Таққослаш учун, жисмоний шахсларга ажратилаётган кредитларнинг (микроқарзлардан ташқари) ўртача фоиз ставкаси 24,2 фоизни, юридик шахсларга ажратилаётган кредитлар эса 22,2 фоизни ташкил этмоқда.