Банк картаси нима сабабдан блокланганини аниқлаш имконини берувчи InfoCards тизими жорий этилди
Ўзбекистонда банк картасининг нима сабабдан ва қайси орган томонидан блокланганини аниқлаш имконини берувчи InfoCards тизими ишга туширилди.
Эндиликда карта эгаси бу маълумотни олиш учун Марказий банкка алоҳида мурожаат қилиши шарт эмас.
Унга хизмат кўрсатувчи тижорат банки InfoCards орқали картанинг қачон, қайси орган томонидан ва қандай сабабга кўра блокланганини аниқлаб беради.
Марказий банк, тижорат банклари, тўлов ташкилотлари ҳамда тўлов тизими операторлари ўртасида InfoCards ахборот алмашинуви тизими жорий этилди.
Янги тизим орқали банк картаси блокланган ҳолларда унинг қайси ҳуқуқни муҳофаза қилувчи орган томонидан, қачон ва қандай сабабга кўра блоклангани аниқланиши мумкин.
Аввал бундай маълумотни олиш учун фуқаро қўшимча равишда Марказий банкка мурожаат қилиши талаб этилиши мумкин эди. Эндиликда карта эгаси бевосита ўзига хизмат кўрсатувчи тижорат банкига мурожаат қилади.
Банк InfoCards тизими орқали тегишли маълумотларни текширади ва мижозга картанинг блокланиш сабаби ҳамда уни блоклаган орган ҳақида тушунтириш беради.
Марказий банкка кўра, тизим фуқароларнинг мурожаатларини кўриб чиқишни соддалаштириш, ортиқча оворагарчиликни камайтириш ҳамда банк хизматларида тезкорлик ва шаффофликни оширишга қаратилган.
