Apple янги iPhone’лар чиқиш жадвалини ўзгартириши мумкин
Компания эндиликда смартфонларни йилига икки марта — кузда премиум Pro моделлари, баҳорда эса асосий ва ҳамёнбоп версияларини тақдим этади. Бу янгиланган жадвал 2026–2027 йилларда олтита янги қурилмани босқичма-босқич бозорга чиқаришни назарда тутади.
Bloomberg нашри мухбири Марк Гурманнинг хабар беришича, Apple компанияси сўнгги 8 йил ичида илк бор iPhone смартфонларини чиқариш жадвалини қайта кўриб чиқди. Компания энди тақдимотларни икки қисмга бўлиб, ҳар олти ойда бир марта — кузда ва баҳорда ўтказади.
Илгари, iPhone XS давридан бошлаб, компания барча асосий моделларни сентябр ойида тақдим этиб келаётган эди.
Янги ёндашувга кўра, Apple энди iPhone тақдимотларини икки қисмга ажратади:
Кузги тақдимот (Сентябр): Фақат энг юқори даражадаги “Pro” ва премиум моделларга қаратiladi.
Баҳоргӣ тақдимот (Март/Апрел): Оммабоп бозор учун мўлжалланган асосий ва ҳамёнбоп моделларни ўз ичига олади.
Ушбу янги стратегия доирасида 2026 ва 2027-йиллар давомида жами 6 та янги махсулот чиқарилиши кутилмоқда.
Кутилаётган тақдимот жадвали:
2026-йил, сентябр:
- iPhone 18 Pro
- iPhone 18 Pro Max
- iPhone Fold (биринчи букланадиган iPhone)
2027-йил, баҳор:
- Асосий iPhone 18
- Арзон iPhone 18e
- Юпқа iPhone Air 2
Аввалги миш-мишларда iPhone Air 2 модели паст сотувлар туфайли бекор қилингани айтилган эди. Бироқ, Bloomberg маълумотларига кўра, моделнинг 2027-йилга кўчирилиши паст талаб билан эмас, балки янги жадвал билан боғлиқ. Таъкидланишича, Apple дастлаб iPhone Air’ни ҳар йили янгиланадиган махсулот сифатида режалаштирмаган.
Ўзгариш сабаблари
Мутаҳассисларнинг фикрича, жорий чиқиш жадвали Apple учун “оғир юк” бўлиб қолган. Бу ҳолат маркетинг, муҳандислик бўлимлари ва таъминотчиларга катта босим ўтказмоқда.
Бундан ташқари, ярим йиллик жадвалга ўтиш Apple компаниясига чораклик иқтисодий кўрсаткичларни мувозанатлаш имконини беради.
