Пулларни тўғри бошқаришга ёрдам берувчи ТОП 5 илова

Пулни қандай бошқаришни билиш ҳар доим, айниқса, ҳозирги замонавий технологиялар даврида, жуда муҳим қобилият ҳисобланади. Бунга эришиш учун оилавий ва шахсий харажатларни режалаштириш ҳамда уларни кузатиб бориш тавсия этилади. Мазкур қадамларни рўёбга чиқаришда молиявий режалаштириш ва харажатларни назорат қилишга ёрдам берувчи иловаларнинг катта фойдаси тегиши мумкин.

Pinkod.uz нашри айнан шу мақсадда шахсий молиявий бошқарувни яхшилашга ёрдам берадиган ТОП 5 иловалар рўйхатини тузди.

1. Monefy

Monefy иловаси ўзининг соддалиги билан ажралиб туради. Бу илова молиявий билимга эга бўлиш шарт бўлмаган фойдаланувчилар учун қулай. Харажатларни кузатиш бир неча босқичда амалга ошади, бу эса вақтни тежаш имконини беради. Илова харажатларни графиклар орқали кўрсатиб, уларни таҳлил қилишни осонлаштиради.

Асосий хусусиятлар:

• Тез ва осон харажат қўшиш: харажатларни қўшиш учун фақат суммани ёзиш ва тоифани танлаш кифоя.
• Тоифаларнинг созланиши: фойдаланувчи ўз эҳтиёжларига мос равишда харажат тоифаларини ўзгартириши мумкин.
• Синхронизация: маълумотларни бир нечта қурилмада сақлаш ва улардан фойдаланиш имконияти мавжуд.

Ҳаволалар: App Store | Google Play

2. Money Manager

Money Manager иловаси молиявий ҳисоботларни кўришни ёқтирадиган фойдаланувчилар учун идеал. Илова фойдаланувчилар учун барча харажат ва даромадларни тоифаларга бўлиб, молиявий хатти-ҳаракатларни чуқур таҳлил қилиш имконини беради. Шунингдек, бир нечта валютани, жумладан, UZS (Ўзбекистон сўми)ни қўллаб-қувватлайди.

Асосий хусусиятлар:

• Батафсил ҳисоботлар: илова молиявий ҳолатни график ва диаграммалар орқали кўрсатади.
• Парол билан ҳимоялаш: илова ҳисобларингизни хавфсиз сақлаш учун парол қўллаб-қувватлайди.
• Кўп валютали қўллаб-қувватлаш: фойдаланувчилар турли валюталарда ҳисоб-китоб қилишлари мумкин.

Ҳаволалар: App Store | Google Play

3. CoinKeeper

CoinKeeper иловаси ўзининг ноёб ва интуитив дизайни билан кўпчиликни жалб қилади. Иловада ҳар бир харажат тоифаси учун алоҳида иконка мавжуд бўлиб, бу харажатларингизни тез ва осон кузатиб боришга ёрдам беради. Молиявий мақсадларни белгилаш ва уларга эришиш режасини тузиш учун мукаммал восита.

Асосий хусусиятлар:

• Визуал харажат бошқаруви: харажатларни график элементлар ёрдамида кузатиб бориш.
• Молиявий мақсадлар: мақсадларингизни белгилаш ва улар сари қадам-бақадам ҳаракат қилиш имконияти. Бунда мақсадга қанча қолгани махсус белгилар орқали кўрсатиб турилади. 
• Кўп қурилма синхронизацияси: маълумотларингизни бир нечта қурилмаларда ишлатишингиз мумкин.

Ҳаволалар: App Store | Google Play

4. Spendee

Spendee оилавий ва умумий бюджетни бошқаришда энг яхши ёрдамчи бўла олади. Илова фойдаланувчиларга банк ҳисобларини синхронлаштириш, даромад ва харажатларни кузатиш ва ҳатто оилангиз билан умумий бюджет яратишга имкон беради.

Асосий хусусиятлар:

• Гуруҳ бюджети бошқаруви: оилангиз ёки гуруҳ аъзоларингиз билан умумий молияни бошқариш имконияти.
• Кўп валютани қўллаб-қувватлаш: UZS каби маҳаллий валюталар билан ишлаш.

Ҳаволалар: App Store | Google Play

5. Home Budget with Sync

Home Budget with Sync – бу молиявий назоратни барча жиҳатларини ўз ичига олган илова. У сизга даромад ва харажатларни кузатиш, жамғармаларни бошқариш ва оилангиз билан маълумотларни синхронлаштириш имконини беради. Бу илова оила учун мукаммал.

Асосий хусусиятлар:

• Молиявий таҳлил ва режалаштириш: молиявий мақсадларни белгилаш ва харажатларни таҳлил қилиш.
• Жамғарма бошқаруви: мақсадларингиз учун жамғарма ажратиш имконияти.
  Синхронизация: бюджетни бир нечта қурилмада бошқариш имконияти орқали оилавий бюджетни кузатиш мумкин. 

Ҳаволалар: App Store | Google Play

Мазкур иловаларни танлашдаги қўшимча жиҳатлар: интерфейс, қўллаб қувватланадиган тил ва бошқа функциялар ҳақидаги батафсил маълумотларни келтирилган ҳаволалар орқали олишингиз мумкин.