Дўстбой Абжалов Пойтахт Банк бошқарув раиси вазифасини бажарувчи этиб тайинланди
У бунга қадар банк бошқарув раисининг биринчи ўринбосари сифатида ишлаб келаётган эди.
Пойтахт Банк акциядорларининг 17 февралдаги қарорига асосан Абжалов Дўстбой Абдурашидович ушбу банк бошқаруви раиси вазифасини бажарувчи этиб тайинланди. Бу ҳақда Корпоратив ахборот ягона порталида эълон қиинган маълумотда келтириб ўтилган.
У 2024 йилнинг август ойидан бери Пойтахтбанк бошқарув раисининг биринчи ўринбосари сифатида ишлаб келаётган эди.
Дўстбой Абжалов 1984 йилда Самарқанд вилояти Нуробод туманида туғилган. 2007 йил Тошкент молия институтини тамомлаган. У банк соҳасида 15 йилдан ортиқ тажрибага эга мутахассис ҳисобланади.
Аввалроқ, 2024 йил январь ойидан бошлаб Пойтахт Банк бошқарув раиси сифатида ишлаб келган Хасан Рахматов Asia Alliance Bank кузатув кенгаши раиси этиб сайланган эди.
Пойтах Банк мамлакатдаги энг сўнгги хусусийлаштирилган банк ҳисобланади.
