“Ипотека банк” 2025 йилнинг биринчи ярим йиллигида қарийб 400 млрд сўм зарар кўрди
Соф фойда кўрсаткичи ўтган йилнинг мос даврига нисбатан 304,5 фоизга камайган.
“Ипотека банк” 2025 йилнинг биринчи чорагига оид молиявий ҳисоботини эълон қилди. Ҳисоботга кўра, банк ушбу даврни 392,5 млрд сўм соф зарар билан якунлаган. Бу ўтган йилги натижаларга нисбатан жиддий пасайишни кўрсатмоқда — соф фойда кўрсаткичи 304,5 фоизга камайган.
Маълумот учун, “Ипотека банк” 2023 йилда Венгриянинг OTP Group банкига хусусийлаштирилган эди. Шундан сўнг, банкнинг молиявий кўрсаткичларида салбий динамикалар қайд этила бошланди.
Солиштириш учун, 2024 йилнинг биринчи ярим йиллигида банк 191,8 млрд сўм соф фойда кўрган эди. Бу кўрсаткич, 2023 йилги натижаларга нисбатан 71,8 фоизга паст бўлган.
Банкнинг фоизли даромадлари 7,2% га ўсиб, 5,5 трлн сўмни ташкил этди. Фоизсиз даромадлар 38,5% га ошиб, 2,1 трлн сўмга етди.
Банкнинг асосий фаолиятидан тушган даромадлари:
- Фоизли даромадлар 7,2% га ошиб, 5,5 трлн сўмга етди.
- Фоизсиз даромадлар эса 38,5% га ўсиб, 2,1 трлн сўмни ташкил этди.
Аввалроқ, Pinkod Капиталбанк соф фойдаси биринчи ярим йилликда 15 фоизга пасайгани ҳақида ёзган эди.
