Oʻzbekiston 2024 yilda xorijga deyarli 7,5 milliard dollarlik oltin yetkazib berdi. Bu koʻrsatkich 2023 yilga nisbatan 8,3 foizga kam boʻlib, umumiy eksportning 27,8 foizi qimmatbaho metallar ulushiga toʻgʻri keladi.

Oʻzbekistonning oltin-valyuta zaxiralari yil boshidan beri 19,1 foizga oʻsib, 2024 yilni 41,2 milliard dollar bilan yakunladi. Bu davr mobaynida zaxiralar 34,6 milliard dollardan 6,6 milliard dollarga koʻpaydi. Zaxiralardagi oltin ulushi soʻnggi maʼlumotlarga koʻra 32 milliard dollarni tashkil etmoqda.

Oʻtgan yil davomida oltin narxlari xalqaro bozorlarda bir necha marotaba tarixiy choʻqqilarga chiqdi. Oltin narxi 2025 yilda ham rekordlarni yangilashda davom etishi kutilmoqda. Tahlilchilar fikricha oltin narxi bu yil oxiriga borib $2 900 dan $3 000 gacha yetadi.

Avvalroq, 2024 yil 17 yanvardan boshlab, Oʻzbekistonda 100 grammli oltin quymalari sotuvga chiqarilgani haqida xabar berilgan edi. Oʻzbekistonda mazkur oltin quymalarini sotib olish tartibi bilan bu yerda tanishib chiqish mumkin.

Oʻzbekiston 2024 yilda deyarli $7,5 mlrdlik oltin sotdi