Telegram messenjeriga integratsiya qilingan Wallet kriptohamyoni Oʻzbekistonda rasmiy ravishda ish boshladi. Bu haqda Kompaniya matbuot xizmati xabar berdi.

Endilikda foydalanuvchilar ilova ichida toʻgʻridan-toʻgʻri kriptooperatsiyalarni amalga oshirib, Wallet’ning barcha funksiyalaridan foydalanishi mumkin boʻladi. Servis orqali Bitcoin, Toncoin, USDT va yana 200 dan ortiq mashhur kriptovalyutalarni mahalliy toʻlov tizimlari yordamida sotib olish va sotish imkoniyati mavjud.

Loyihaning texnologik infratuzilmasi Asterium kompaniyasi tomonidan taqdim etiladi. Platforma HUMO, Visa va Mastercard kartalaridan vositachilarsiz foydalanib, kriptoaktivlarni xarid qilish, sotish va saqlashga yordam beradi.

Wallet’ning Oʻzbekistonda ishga tushirilishi Istiqbolli loyihalar milliy agentligi tomonidan berilgan rasmiy litsenziya asosida amalga oshirilgan.

Kompaniya vakillarining aytishicha, Oʻzbekiston bozoriga kirishda ikki omil hal qiluvchi boʻlgan: Telegramʼning juda ommalashgani va fintex yoʻnalishining tez surʼatlarda rivojlanayotgani.

Mamlakatda messenjerdan oʻnlab million foydalanuvchi foydalanadi. Kompaniyaga koʻra, Telegram deyarli asosiy raqamli muloqot vositasi, reklama maydoni va biznes operatsiyalari uchun muhim platformaga aylangan.

Oʻzbekistonda Telegram Wallet rasman ishga tushdi