“Oʻzbekgidroenergo” AJ Kuzatuv kengashi tarkibida oʻzgarishlar boʻlib oʻtdi. Bu haqda jamiyatning 13 mart kuni boʻlib oʻtgan yigʻilishida maʼlum qilingan.

Yigʻilishi qaroriga koʻra, quyidagi aʼzolarning vakolatlari muddatidan oldin tugatildi:

Mustafoyev Kuvonchbek Muxtor oʻgʻli – Iqtisodiyot va moliya vazirligining sanoat siyosatini amalga oshirish departamenti direktori oʻrinbosari;
Xodjayev Sherzod Xikmatullayevich – Energetika bozorini rivojlantirish va tartibga solish agentligi direktori;
Shukurov Behruz Komiljon oʻgʻli – Iqtisodiyot va moliya vazirligining davlat ishtirokidagi korxonalarda korporativ boshqaruv boshqarmasi bosh mutaxassisi

Ularning oʻrniga Kuzatuv kengashiga uch nafar shaxs kiritildi:

Miraliyev Alisher Erkinovich – Davlat aktivlarini boshqarish agentligi direktori oʻrinbosari;
Kakurin Nikita Ivanovich – Frank Templeton Asset Management kompaniyasining katta investitsion menejeri (mustaqil aʼzo);
Martin Bernshtein – Amber Hill Capital (AQSh) kompaniyasining boshqaruvchi hamkori (mustaqil aʼzo).

Maʼlumot uchun “Oʻzbekgidroenergo”ning 40 foizlik ulushi Franklin Templeton boshqaradigan Milliy Investitsiya jamgʻarmasiga tegishli.

“Oʻzbekgidroenergo” kuzatuv kengashiga Franklin Templeton va xorijiy investor vakillari kiritildi