Bloomberg’ning 29 yanvar kuni tarqatgan xabariga koʻra, Yevropa Ittifoqi Rossiyaga qarshi navbatdagi, 16-sanksiyalar paketini tayyorlamoqda. Ushbu paketda Rossiya alyuminiysining importiga bosqichma-bosqich taqiq joriy etish reja qilingan.

Rossiya alyuminiysiga qoʻyiladigan cheklovlar bir yil ichida kuchga kirishi kutilmoqda va importga faqat kvota tizimi orqali ruxsat beriladi. Shuningdek, “soya floti” deb nomlanuvchi tizimga tegishli 70 dan ortiq kemaga nisbatan sanksiyalar joriy etilishi va Yevropa Ittifoqi hududida Rossiya neftini vaqtincha saqlash taqiqlanishi rejalashtirilgan.

Shuningdek, SWIFT xalqaro pul oʻtkazmalari tizimidan 15 ta Rossiya bankini uzib qoʻyish rejalashtirilgan. “Sistema” Telegram kanali eʼlon qilgan taxminiy roʻyxatda “Aziya-Invest Bank” bilan bir qatorda quyidagi Rossiya banklari ham bor:

“Ak Bars Bank”
“Bank Uralsib”
“Bank "Tochka”
“Natsionalnыy rezervnыy bank”
“Roseksimbank”
“Ekspobank”
“Bank Sinara”
“Primsotsbank”
“BBR bank”
“Aziya-Invest bank”
“Moskommersbank”
“Aziatsko-Tixookeanskiy bank”
“Kuznetskbiznesbank”
“Mir Biznes bank”
“Bank Kuban Kredit”

“Aziya-Invest bank” 1996 yilda Rossiya va Oʻzbekiston hukumatlari oʻrtasidagi kelishuv asosida tashkil etilgan. Yevropa Ittifoqining ushbu yangi sanksiyalari bank faoliyatiga qanday taʼsir koʻrsatishi hozircha nomaʼlum.

Oʻzbekistonga aloqador bank Yevropa Ittifoqi sanksiyalariga uchrashi mumkin