2025 yil 1 yanvardan boshlab avtobuslarda yoʻl haqi uchun toʻlovlarni naqd pulda qabul qilish toʻxtatiladi. Bu haqida “Toshshahartransxizmat” AJ xabar berdi.

Yoʻlovchilar naqd pul orqali avtobuslarda harakatlanish uchun Toshkent shahridagi bekatlarda va ular yaqinida oʻrnatilgan barcha toʻlov qurilmalari yaʼni, Paynet, MultiPay va Oson infokioskalari orqali bir martalik chipta xarid qilishi kerak boʻladi.

Bunda naqd pul orqali toʻlov miqdori 2000 soʻmdan 3000 soʻmga oshiriladi.

“Toshshahartransxizmat” AJ bu amaliyot yoʻl haqi toʻlovida shaffoflikni taʼminlash, toʻlov jarayonini tezlashtirish, bekatlar orasidagi intervalni qisqartirish, shuningdek, avtobus boshqaruvining xavfsizligini oshirish maqsadida joriy etilayotganini aytib oʻtgan.

Kompaniya yoʻl haqini tez va arzon toʻlash uchun elektron toʻlov tizimlaridan foydalanishni tavsiya etmoqda. Ushbu toʻlov tizimlaridan foydalanilganda yoʻl haqi 1700 soʻm miqdorida saqlanib qoladi. Yoʻlovchilar quyidagi variantlardan foydalanishlari mumkin:

ATTO transport kartasi
ATTO virtual kartasi
Mobil ilovalar orqali NFC toʻlov
Mobil ilovalar orqali QR toʻlov (Click, UzumPay, MyUzcard, Alif)
Bank kartalari (Uzcard, Humo, MasterCard, Visa, China UnionPay)

Shuningdek, transport kartasi oraliq almashish tariflari avvalgi holatda saqlanib qolinadi. Toʻliq taʼriflar quyidagicha:

Toshkentda yangi yildan boshlab avtobuslarda naqd pul qabul qilish amaliyoti toʻxtatiladi