“Men har doim yil davomida oʻqigan, tomosha qilgan va tinglagan sevimli asarlarimni sizlar bilan boʻlishishni intiqlik bilan kutaman. Bugun men oʻzimni hayratga solgan va uzoq vaqt xotiramda qolgan kitoblarni eʼlon qilaman” deb yozdi Obama oʻzining postida.

2024 yilda Obamaning eng sevimli kitoblari roʻyxati

1. Intermezzo — Salli Runi

Irlandiyalik yozuvchi Salli Runining ushbu romani ikki aka-uka va ularning hayotidagi sevgi va yoʻqotishlar haqida hikoya qiladi.

2. Orbital — Samanta Xarvi

Buker mukofoti sovrindori Samanta Xarvi tomonidan yozilgan bu roman kosmik stansiyada 24 soat davomida boʻlib oʻtadigan voqealarni oʻz ichiga oladi.

3. “Antropologlar” — Ayshagul Savash

Turkiyalik muallif Ayshagul Savashning ushbu romani xorijdagi bir er-xotinning yangi xonadon izlash jarayonida hayotning chuqur falsafiy jihatlarini anglashi haqida hikoya qiladi.

4. In Ascension — Martin MakInnes

Yosh mikrobiolog Atlantika okeanidagi chuqur okean xandaqlarini oʻrganib, oʻzaro bogʻlangan tabiiy moʻʼjizalarni kashf etadi.

5. Someone Like Us — Dinau Mengestu

Efiopiyalik muhojirlarning oʻgʻli oʻzining otasi deb bilgan kishining toʻsatdan vafot etishidan soʻng oilasining yashirin sirlarini surishtirib oʻrganishga kirishadi.

6. The Anxious Generation — Djonatan Xaydt

Ijtimoiy psixolog Djonatan Xaidt zamonaviy texnologiyalar va tendensiyalar bolalardagi ruhiy salomatlikka qanday taʼsir koʻrsatganini tahlil qiladi.

7. “Vatanparvar” (Patriot) — Aleksey Navalniy

2024 yil fevralda uzoq Arktika okrugidagi jazoni ijro etish koloniyasida vafot etgan rossiyalik muxolifat yetakchisi va siyosiy mahbus Navalniyning hayoti va faoliyatiga bagʻishlangan “Vatanparvar” memuar kitobi.

8. Stolen Pride — Arli Rassell Xochshild

Berkli universitetining faxriy professori Xoxshild oʻzining 2016 yildagi "Oʻz yurtida begonalar" kitobining davomi sifatida Appalachiyadagi ishchi tabaqaga mansub saylovchilar orasidan Trampning murojaatini oʻrganadi.

9. Growth: A Reckoning — Deniyel Sasskind

Britaniyalik iqtisodchi Sasskind cheksiz oʻsishga intilish butun dunyo boʻylab qanday qilib iqtisodiy tengsizlik, buzgʻunchi texnologiyalar, atrof-muhitning vayron boʻlishi va iqlim oʻzgarishini keltirib chiqarganini tasvirlab beradi.

10. The Work of Art — Adam Moss

New York jurnalining sobiq muharriri Moss 50 ga yaqin rassomlar, yozuvchilar, kinorejissyorlar va boshqalardan ijodiy jarayon sirlarini tushunish uchun intervyu oladi.

Obama ushbu asarlarni bayram mavsumida oʻqishni tavsiya qildi va ularni oʻqish orqali chuqur fikrlash, yangi gʻoyalar va ilhom olish mumkinligini aytib oʻtdi.

Barak Obamaning 2024 yildagi eng sevimli kitoblari