Nufuzli Forbes nashri 2026 yilning eng boy odamlari roʻyxatini eʼlon qildi. Unga koʻra, bu yil dunyoda milliarderlar soni 3428 nafarga yetdi, ularning jami boyligi esa 20,1 trillion dollarni tashkil etmoqda.

Tesla va SpaceX kompaniyalari egasi Ilon Mask ketma-ket ikkinchi yil Forbes talqiniga koʻra dunyoning eng boy milliarderlari reytingida birinchi oʻrinni egalladi. Uning boyligi 839 milliard dollarga baholanmoqda. Bu oʻtgan yilgi koʻrsatkichdan ($342 mlrd) deyarli 2,5 baravar koʻproqdir.

Top 10 eng boy shaxslar:

#	Ism	Boylik	Daromad manbai	Davlat
1	Ilon Mask	$839 mlrd	Tesla, SpaceX	AQSh
2	Larri Peyj	$257 mlrd	Google	AQSh
3	Sergey Brin	$237 mlrd	Google	AQSh
4	Jeff Bezos	$224 mlrd	Amazon	AQSh
5	Mark Sukerberg	$222 mlrd	Meta	AQSh
6	Larri Ellison	$190 mlrd	Oracle	AQSh
7	Bernar Arno	$171 mlrd	LVMH	Fransiya
8	Jensen Xuang	$154 mlrd	NVIDIA	AQSh
9	Uorren Baffett	$149 mlrd	Berkshire Hathaway	AQSh
10	Amansio Ortega	$148 mlrd	Zara	Ispaniya

Mask eng yaqin raqiblaridan ancha oldinda. Reytingda ikkinchi oʻrinni Google asoschilaridan biri Larri Peyj (257 mlrd dollar) egallagan boʻlsa, uchinchi oʻrinda yana bir hammuassis Sergey Brin (237 mlrd dollar) joylashdi. Ularning boyligi oʻtgan yilga nisbatan sezilarli darajada oshgan.

Bu yil 100 milliard dollardan ortiq boylikka ega milliarderlar soni ham rekord darajaga yetib, 20 nafarga chiqdi (oʻtgan yili 15 nafar edi). Ularning qariyb yarmi texnologiya sohasida boylik orttirgan.

AQSh hali ham milliarder fuqarolar soni boʻyicha eng yuqori koʻrsatkichga ega — rekord darajadagi 989 nafar. Undan keyingi oʻrinlarni Xitoy (539), Hindiston (229) va Germaniya (212) egallab turibdi. Manba: Forbes

Mamlakatlar kesimida esa AQSh milliarderlar soni boʻyicha yetakchi boʻlib qolmoqda — mamlakatda rekord darajadagi 989 nafar milliarder bor. Ulardan 15 nafari reytingdagi eng boy 20 kishilik roʻyxatga kiradi. Ikkinchi oʻrinda Xitoy (Gonkong bilan birga) — 610 nafar, uchinchi oʻrinda esa Hindiston — 229 nafar milliarder bilan qayd etilgan.

2026 yilning eng boy odamlari – Forbes