Davlat Statistika qoʻmitasi maʼlumotlariga koʻra, 2024 yil yanvar-dekabr oylarida Oʻzbekistonda oʻrtacha oylik ish haqi 5 357 200 ming soʻmni tashkil etdi. Bunda ayrim hududlar va tarmoqlar oʻrtasida katta tafovutlar kuzatildi.

Hudud	Oʻrtacha ish haqi (ming soʻm)	Oʻsish (%)
Toshkent shahri	9 072 400	+21,4
Navoiy viloyati	6 766 100	+15,0
Toshkent viloyati	5 097 900	+12,3
Andijon viloyati	4 616 100	+14,9
Buxoro viloyati	4 343 900	+12,0
Qoraqalpogʻiston Respublikaci	4 317 300	+14,1
Xorazm viloyati	4 263 700	+13,2
Sirdaryo viloyati	4 235 100	+16,7
Samarqand viloyati	4 022 300	+17,6
Jizzax viloyati	3 976 200	+14,5
Fargʻona viloyati	3 965 600	+15,1
Namangan viloyati	3 869 200	+16,5
Surxondaryo viloyati	3 810 300	+12,4
Qashqadaryo viloyati	3 785 700	+12,2

Oʻzbekistonda 2024 yilning yanvar-dekabr oylarida oʻrtacha ish haqi hududlar boʻyicha sezilarli farqlarga ega boʻldi. Toshkent shahri 9 072 400 soʻm bilan eng yuqori koʻrsatkichni qayd etdi, bu oʻtgan yilga nisbatan 21,4% oʻsishni anglatadi. Navoiy viloyati 6 766 100 soʻm bilan ikkinchi oʻrinda turib, oʻsish 15%ni tashkil etdi. Toshkent viloyati esa 5 097 900 soʻm koʻrsatkich bilan uchinchi oʻrinni egalladi (+12,3%).

Boshqa hududlardan Andijon (4 616 100 soʻm, +14,9%), Buxoro (4 343 900 ming soʻm, +12,0%) va Qoraqalpogʻiston Respublikasi (4 317 300 ming soʻm, +14,1%) koʻrsatkichlari nisbatan yuqori boʻlsa-da, respublika oʻrtacha darajasidan pastroqdir.

Eng past oʻrtacha ish haqi Surxondaryo viloyatida (3 810 300 ming soʻm, +12,4%) va Qashqadaryo viloyatida (3 785 700 ming soʻm, +12,2%) qayd etildi.

Faoliyat turlari boʻyicha

Iqtisodiy faoliyat turlari bo‘yicha ish haqi ko‘rsatkichlari ham jiddiy tafovutlarni namoyon etdi. Bank, sug‘urta va vositachilik faoliyati sohasida eng yuqori o‘rtacha ish haqi – 15 263 700 so‘m qayd etildi. Axborot va aloqa sohasi 13 157 400 so‘mlik daromad bilan ikkinchi o‘rinni egalladi, undan keyin tashish va saqlash sohasida o‘rtacha ish haqi 8 113 300 so‘mni tashkil qildi.

Shu bilan birga, ta’lim sohasi 3 637 000 ming so‘mlik, sog‘liqni saqlash va ijtimoiy xizmatlar sohasi esa 3 411 000 ming so‘mlik ko‘rsatkich bilan eng past daromadli tarmoqlar qatoridan joy oldi.

2024 yil Oʻzbekistonda oʻrtacha oylik ish haqi qancha boʻldi?