27 noyabr kuni InFinBank AJ aksiyadorlarining navbatdan tashqari umumiy yigʻilishi boʻlib oʻtdi. Bu haqda Korporativ maʼlumotlar yagona portalida xabar berilgan.

Yigʻilish yakunlariga koʻra, bankning amaldagi Boshqaruv raisi Numanova Olga Leonidovnaning vakolati muddatidan ilgari 28 noyabrdan tugatildi. Uning oʻrniga Djurayev Baxtiyorjon Samadovich 2025 yil 1 dekabrdan InFinBank AJ Boshqaruv raisi lavozimiga tayinlandi.

Baxtiyorjon Djurayev Oʻzbekiston Respublikasi Markaziy banki bilan kelishib olinganidan soʻng, Boshqaruv raisi lavozimida majburiyatlarini bajarishga kirishadi. Ungacha esa Boshqaruv raisining vazifalarini vaqtinchalik bajaruvchi sifatida faoliyat yuritadi.

Baxtiyorjon Djurayev 1982 yil 1 oktabr kuni Qashqadaryo viloyatida tugʻilgan. Mehnat faoliyatini bank sohasida 2001 yilda boshlagan. Bunga qadar u bank boshqaruv raisining birinchi oʻrinbosari lavozimida ishlab kelayotgan edi.

Avvalroq Pinkod “Tadbirkorlikni rivojlantirish kompaniyasi” AJ InfinBank aksiyadoriga aylangani haqida xabar bergan edi.

InFinBank’da boshqaruv raisi oʻzgardi