Vladislav Lisov Garant Bank boshqaruvi raisi oʻrinbosari etib tayinlandi
21 aprel kuni boʻlib oʻtgan bank Kuzatuv kengashi majlisi bayonnomasiga koʻra, Vladislav Vladimirovich Lisov boshqaruv raisi oʻrinbosari hamda boshqaruv aʼzosi etib tayinlandi. U ushbu lavozimga qadar “Garant Bank”ning chakana biznes yoʻnalishi boshligʻi sifatida faoliyat yuritib kelgan.
“Garant Bank” boshqaruvi tarkibida oʻzgarish yuz berdi. Bu haqda bankning korporativ axborotida maʼlum qilindi.
21-aprel kuni bank Kuzatuv kengashining majlisi boʻlib oʻtdi. Majlis bayonnomasiga koʻra, Vladislav Vladimirovich Lisov bank Boshqaruv raisi oʻrinbosari hamda boshqaruv aʼzosi etib tayinlandi.
Ushbu qaror Kuzatuv kengashi aʼzolari tomonidan bir ovozdan maʼqullangan.
Mazkur tayinlov Oʻzbekiston Respublikasi Markaziy banki tomonidan maʼqullangach, rasman kuchga kiradi.
Vladislav Lisov ushbu lavozimga qadar “Garant Bank”ning chakana biznes yoʻnalishi boshligʻi sifatida faoliyat yuritib kelgan.
