Imasheva Bayan Paruxovna Tenge Bank boshqaruv raisi oʻrinbosari etib tayinlandi
Shu bilan birga, bank raisining birinchi oʻrinbosari lavozimida ishlab kelgan Shaxrux Xakimovning vakolatlari tugatildi.
“Tenge Bank” ATB Kuzatuv kengashining sirtdan qabul qilingan qaroriga koʻra, bank boshqaruvi tarkibida oʻzgarishlar amalga oshirildi.
Kuzatuv kengashining 2026 yil 24 martdagi 08-sonli qaroriga muvofiq, Imasheva Bayan Paruxovna 2026 yil 25 martdan boshlab “Tenge Bank” ATB Boshqaruvi aʼzosi hamda Boshqaruv raisining oʻrinbosari lavozimiga saylandi. U bilan ushbu lavozimda faoliyat yuritish uchun 3 yil muddatga mehnat shartnomasi tuzilishi belgilangan.
Shuningdek, 2026 yil 25 martdan eʼtiboran bank Boshqaruvi aʼzosi hamda Boshqaruv raisining birinchi oʻrinbosari lavozimida ishlab kelgan Xakimov Shaxrux Xandamirovichning vakolatlari tugatildi.
