Google foydalanuvchilarga @gmail.com elektron pochta manzilini oʻzgartirish imkonini joriy qildi
Yangilanish orqali foydalanuvchilarning barcha maʼlumotlari saqlab qolinadi. Xizmat esa bosqichma-bosqich joriy etilmoqda.
Google uzoq kutilgan yangilikni eʼlon qildi. Endilikda Gmail foydalanuvchilari oʻz elektron pochta manzillarini oʻzgartirish imkoniga ega boʻladi.
Yangilikka koʻra, foydalanuvchilar @gmail.com bilan tugaydigan amaldagi manzillarini yangisiga almashtirishi mumkin, bunda akkauntdagi barcha maʼlumotlar saqlanib qoladi.
Manzil oʻzgartirilganidan soʻng ham eski elektron pochta faol boʻlib qoladi va unga yuborilgan xatlar avtomatik tarzda yangi manzilga yetib boradi. Shuningdek, xatlar, fayllar, suratlar va boshqa xizmatlar oʻz holicha saqlanadi.
Google’ning maʼlum qilishicha, ushbu funksiya bosqichma-bosqich joriy etilmoqda va hozircha barcha foydalanuvchilar uchun mavjud emas. Shu sababli ayrim akkauntlarda bu imkoniyat vaqtincha koʻrinmasligi mumkin.
Yangi funksiya, ayniqsa, oʻsmirlik davrida yaratilgan noqulay yoki norasmiy elektron pochta manzillaridan voz kechmoqchi boʻlgan foydalanuvchilar tomonidan ijobiy kutib olindi.
Taʼkidlash joizki, Google faqat @gmail.com bilan yakunlanuvchi manzillarni oʻzgartirishga ruxsat beradi. Yangi tanlanadigan manzil ham aynan shu domen bilan boʻlishi shart. Bundan tashqari, manzil oʻzgartirilgach, 12 oy davomida yana yangi elektron pochta qoʻshish imkoniyati berilmaydi.
Mazkur imkoniyatdan foydalanish uchun foydalanuvchilar Google hisobiga kirib, “Manage your Google Account” boʻlimiga oʻtishi, soʻng “Personal Info” sahifasida elektron pochta manzilini tanlab, agar mavjud boʻlsa, “Change your Google Account em
