Eng yuqori reytingga ega toʻlov tashkilotlari ilovalari

SNS ratings tomonidan toʻlov tashkilotlari mobil ilovalari reytingi tuzib chiqildi.

Roʻyxatni shakllantirishda 21 ta toʻlov tashkilotining ilovalarini tahlil qilingan boʻlib, baholashda foydalanuvchi interfeysining qulayligi, ishonchlilik va xavfsizlik, ilovadan foydalanish soddaligi, xizmat sifati, mijozlarni qoʻllab-quvvatlash hamda foydalanuvchilarning fikrlari inobatga olingan.

Eng yuqori reytingga ega boʻlgan ilovalar

Reyting natijalariga koʻra, quyidagi ilovalar eng yuqori ballarni oldi:

• Payme – 97,5 ball 
• Click – 94,9 ball 
• Paynet – 89,7 ball 
• Alif – 88,8 ball 
• Beepul – 88,4 ball

Foydalanuvchilar tomonidan 2025 yil fevral oyida jami 3700 dan ortiq sharh qoldirilgan boʻlib, eng koʻp sharh olgan ilovalar Click (1078 ta), Paynet (950 ta), Payme (717 ta), Beepul (264 ta) va Alif Mobi(238 ta) boʻldi. Barcha sharhlarning 87 foizi ushbu ilovalarga tegishli.

App Store’dagi eng yaxshi toʻlov ilovalari

Apple App Store’da 20 ta toʻlov ilovasi reytingga kiritildi. Foydalanuvchilar baholariga koʻra top-5 ilovalar quyidagicha:

1. Payme – 300 mingdan ortiq baho, yakuniy ball: 98,4
2. Click – 66 mingdan ortiq baho, 92,6 ball
3. Alif– 22 mingdan ortiq baho, 90,7 ball
4. ATTO – 14 mingga yaqin baho, 88,1 ball
5. Beepul – 11,5 ming baho, 87,3 ball

Google Play’dagi eng yaxshi toʻlov ilovalari

Mazkur platformadagi top-5 ilovalar quyidagicha:

1. Payme – 630 mingdan ziyod baho, 97,5 ball
2. Click – 453 mingdan ortiq baho, 94,9 ball
3. Paynet – 127 mingdan ziyod baho, 89,7 ball
4. Alif– 149 mingdan ortiq baho, 88,8 ball
5. Beepul – 91 mingdan oshiq baho, 88,4 ball