Bitcoin narxi $80 000 dan pastga tushib ketdi
Bunga asosiy sabab sifatida davom etayotgan savdo urushlari koʻrsatilmoqda.
Kriptovalyuta narxlari pasayishda davom etmoqda, Bitcoin noyabr oyidan beri eng past darajasiga tushdi. Ushbu keskin pasayish davom etayotgan tarif urushi tarangligi fonida sodir boʻldi, bu esa Prezident Donald Tramp tomonidan oʻtgan hafta eʼlon qilingan bir qator kriptovalyutaga oid ijobiy yangiliklarni soya ostida qoldirdi.
Trampning tariflari va hukumatdagi oʻzgarishlarning iqtisodiy oʻsishga taʼsiri borasidagi xavotirlar kuchaygani sayin, xavfli aktivlar, jumladan, kriptovalyutalar ham bosim ostida qoldi. AQSh fond bozori ham yoʻqotishlarga duch keldi, shu bilan birga, xavfsiz investitsiyalar sifatida qaraladigan davlat obligatsiyalariga talab oshdi.
Ikkinchi eng yirik kripto hisoblanadigan Ethereum narxi 1 900 dan pastga tushib, oxirgi bir yildagi eng past koʻrsatkichga yetdi.
Solana, Cardano va XRP kabi boshqa yirik kriptovalyutalar esa undan ham katta yoʻqotishlarga uchradi. Tramp ushbu tokenlarni raqamli aktivlar zaxirasiga kiritish imkoniyatini ilgari surgan boʻlsa-da, ular oxir-oqibat uning farmonidan joy olmadi.
