Zootopia 2 анимацион филми 2025 йил декабрь ойининг охирига келиб бутун дунё бўйлаб $1,42 млрд (1,4 миллиард доллар) даромад йиғди. Фильм АҚШда 2025 йил 26 ноябрь куни намойишга чиқарилган.

Кассадаги даромадлар тақсимоти

2025 йил 28 декабрь ҳолатига кўра, фильмнинг умумий касса тушуми қуйидагича тақсимланган:

Шимолий Америка (ички бозор): $322 млн
Халқаро бозор: $1,099 млрд
Бутун дунё бўйича жами: $1,422 млрд

Мазкур натижа Zootopia 2’ни 2025 йилнинг иккинчи энг кўп даромад келтирган филми, шунингдек, барча даврларнинг энг юқори даромад қилган 17-фильмига айлантирди. Фильм халқаро бозорда ҳам улкан муваффақият қозониб, 2025 йилда халқаро кассада $1 млрд чегарасидан ошган илк фильм бўлди. Энг йирик хорижий бозорлар қаторига Хитой, Франция ва Япония киради.

Ўзбекистондаги рекорд натижа

Zooopia 2 нафақат глобал миқёсда, балки Ўзбекистон кинобозорида ҳам катта муваффақият қайд этди. Мультфильм 4 ҳафталик намойиш давомида 10 млрд сўмлик касса йиғими чегарасидан ошиб, мамлакатдаги анимацион фильмлар орасида рекорд ўрнатди.

Маълумотларга кўра, фильмни 43 992 нафар томошабин кинотеатрларда томоша қилган бўлиб, умумий даромад 10,6 млрд сўмни (тахминан $880 минг) ташкил этди.

Zootopia 2 дунё ва Ўзбекистонда касса рекордларини янгилади