11 декабрь куни нуфузли Time журнали анъанавий “Йил одами” номинацияси ғолибларини эълон қилди. Журнал таҳририяти бу йилги энг олий эътирофга сунъий интеллект (AI) соҳасини шакллантираётган ва бошқараётган технология етакчиларини лойиқ деб топди.

Журналистларнинг таъкидлашича, ғолиблар шунчаки бизнесменлар эмас, балки келажакни ўзгартираётган “сунъий интеллект яратувчилари”дир.

“Осмонўпар бинодаги тушлик”

Журналнинг махсус сони муқоваси машҳур “Осмонўпар бинодаги тушлик” (1932) суратига ишора қилувчи ўзига хос услубда ишланган. Унда AI саноатининг энг қудратли саккиз нафар вакили тасвирланган:

Сем Альтман — OpenAI раҳбари;
Женсен Хуанг — Nvidia раҳбари;
Марк Сукерберг — Мета асосчиси;
Илон Маск — Х ва хAI раҳбари;
Лиза Су — AMD бош директори;
Демис Хассабис — Google DeepMind раҳбари;
Дарио Амодей — Anthropic раҳбари;
Фей-Фей Ли — ImageNet асосчиси ва “AI’нинг чўқинтирган онаси”.

Time нашрининг ёзишича, ушбу шахсларнинг таъсири фақат технология билан чекланиб қолмайди. Улар глобал сиёсатда ҳам ҳал қилувчи кучга айланиб бормоқда. Хусусан, АҚШнинг сайланган президенти Доналд Трампнинг 2025-йилги қасамёд маросимида Маск, Альтман ва Сукерберг каби фигуралар “аҳамиятли ўрин” эгаллаган.

Маълумот учун: Time журнали 1927 йилдан бери “Йил одами”ни аниқлаб келади. Бу унвон сўнгги 12 ой давомида дунё воқеаларига энг кучли таъсир кўрсатган (ижобий ёки салбий бўлишидан қатъи назар) шахс, гуруҳ ёки ғояга берилади.

Time журнали сунъий интеллект яратувчиларини “Йил одами” деб эълон қилди