“Ўзтрансгаз” АЖ 2025 йилнинг биринчи чораги якунлари бўйича молиявий ҳисоботини эълон қилди.

Ҳисоботга кўра, компания ушбу чоракни 2,6 трлн сўм миқдоридаги соф фойда билан якунлаган. Бу кўрсаткич 2024 йилнинг шу даврига нисбатан 619 млрд сўмга ёки 30,6 фоизга кўпдир.

“Ўзтрансгаз” акциядорлик жамияти — Ўзбекистон бўйлаб табиий газни магистрал қувурлар орқали ташиш, тақсимлаш ва экспорт қилиш билан шуғулланувчи етакчи ташкилот ҳисобланади.

Компаниянинг жами активлари 36,6 трлн сўмни ташкил этмоқда. Бу кўрсаткич ҳисобот даври бошидан 2,3 трлн сўмга (ёки 6,7 фоизга) ошган.

Январ-март ойларида Ўзтрансгаз маҳсулот ва хизматлар сотувидан 5,1 трлн сўм даромад кўрди. Шундан 3,3 трлн сўмлик қисми ялпи фойдани ташкил этди.

Шунингдек, компания ҳисобот даврида 466 млрд сўмлик даромад солиғи тўлаган.

Умуман олганда, барча харажатлар чегириб ташлангач, компаниянинг соф фойдаси 2,6 трлн сўмга етди.

Аввалроқ, ОКМК биринчи чоракда қарийб 2 трлн сўм соф фойда олгани маълум бўлган эди.

“Ўзтрансгаз” АЖ биринчи чоракда 2,6 трлн сўм соф фойда олди