Александр Евгеньевич Сотников HUMO тўлов тизими бошқарув раиси ўринбосари лавозимига тайинланди. Тегишли қарор 18 май куни компания Кузатув кенгаши томонидан қабул қилинган.

Александр Сотников тўлов тизимлари, банк карталари ва процессинг хизматлари соҳасида катта тажрибага эга мутахассис ҳисобланади.

У 2013–2015 йилларда Беларуснинг “BELKART” тўлов тизими директори лавозимида фаолият юритган. 2015–2017 йилларда Беларусь Миллий банкида тўлов тизимлари ва рақамли технологиялар бўйича бош бошқарма раҳбари бўлган.

Шунингдек, Сотников 2017 йилда “Белагропромбанк”да ижрочи директор сифатида ишлаган. 2017–2021 йилларда эса ушбу банк бошқарув раиси ўринбосари лавозимини эгаллаган.

2021 йил май ойидан буён у Беларусдаги “Банк процессинг маркази” ОАЖ бош директори сифатида ишлаб келган. Мазкур марказ банк карталари бўйича процессинг хизматлари ҳамда “BELKART” миллий тўлов тизими инфратузилмасини ривожлантириш билан шуғулланади.

HUMO тўлов тизимига янги бошқарув раиси ўринбосари тайинланди