Forbes рейтинги спортчиларнинг маоши, бонуслари, мусобақа мукофотлари, ҳомийлик шартномалари, реклама келишувлари ва бошқа тижорий даромадлари асосида шакллантирилган.

1. Криштиану Роналду — 300 млн доллар

Рейтингнинг биринчи ўрнини Криштиану Роналду эгаллади. 2026 йилда унинг умумий даромади 300 млн долларга баҳоланган. Бу натижа орқали у кетма-кет тўртинчи йил Forbes рейтингида етакчиликни сақлаб қолди.

Роналду даромадининг асосий қисми Саудия Арабистонининг “Ал-Наср” клуби билан тузилган шартномаси ҳиссасига тўғри келади. Forbes маълумотларига кўра, футболчи майдондаги фаолиятидан 235 млн доллар, ҳомийлик ва бошқа тижорий келишувлардан эса 65 млн доллар ишлаб топган.

2. Канело Альварес — 170 млн доллар

Иккинчи ўринни мексикалик боксчи Канело Альварес эгаллади. Унинг йиллик даромади 170 млн долларга баҳоланган.

This may contain: a man standing next to a mexican flag holding a boxing glove in his right hand

Forbes маълумотларига кўра, Альвареснинг юқори даромади асосан йирик бокс жанглари, трансляция ҳуқуқлари ва халқаро промоутерлик келишувлари билан боғлиқ. Айниқса, Терренс Кроуфордга қарши катта жанги унинг йиллик даромадларида муҳим роль ўйнаган.

3. Лионель Месси — 140 млн доллар

Лионель Месси 140 млн доллар даромад билан кучли учликни якунлади. Унинг даромадлари футболдаги шартномалари ва майдондан ташқари тижорий фаолияти ўртасида тенг тақсимланган.

Месси Inter Miami клубидаги фаолияти орқали нафақат АҚШ футбол бозорида, балки глобал реклама ва ҳомийлик бозорида ҳам юқори тижорий қийматини сақлаб қолмоқда. Унинг даромадларида Adidas билан узоқ йиллик ҳамкорлик, шунингдек, MLS’нинг Apple TV’dagi Season Pass хизмати билан боғлиқ келишувлар муҳим ўрин тутади.

4. Леброн Жеймс — 137,8 млн доллар

Тўртинчи ўринни NBA юлдузи Леброн Жеймс эгаллади. Унинг йиллик даромади 137,8 млн долларга етган.

This may contain: a man in a yellow jersey is holding his fist up

Леброннинг даромадларида майдондан ташқари келишувлар катта ўрин тутади. У 85 млн долларни реклама, инвестиция ва бизнес лойиҳалари орқали ишлаб топган. Бу унинг спортчи сифатида эмас, балки глобал бизнес-бренд сифатида ҳам катта қийматга эга эканини кўрсатади.

5. Шоэй Охтани — 127,6 млн доллар

Бешинчи ўриндан Los Angeles Dodgers юлдузи Шоэй Охтани жой олди. Унинг умумий даромади 127,6 млн долларга баҳоланган.

Los Angeles Dodgers pitcher Shohei Ohtani.

Охтани рўйхатдаги энг қизиқ ҳолатлардан бири ҳисобланади. Унинг спортдаги бевосита даромади атиги 2,6 млн доллар бўлган, қолган 125 млн доллар эса ҳомийлик ва тижорий келишувлар ҳисобидан келган. Бу Охтанининг Япония ва АҚШ бозорларидаги тижорий қиймати жуда юқори эканини кўрсатади.

6. Стивен Карри — 124,7 млн доллар

Олтинчи ўринни Golden State Warriors юлдузи Стивен Карри эгаллади. Унинг йиллик даромади 124,7 млн долларга баҳоланган.

Golden State Warriors guard Stephen Curry.

Карри NBAдаги энг таниқли спортчилардан бири бўлиб, унинг даромади клуб маоши, реклама келишувлари ва шахсий бренд қиймати орқали шаклланган. У баскетболдаги натижалари билан бирга йирик компаниялар билан ҳамкорликлари орқали ҳам катта даромад топмоқда.

7. Жон Рам — 107 млн доллар

Испаниялик гольфчи Жон Рам 107 млн доллар даромад билан еттинчи ўринни эгаллади.

Унинг кучли ўнталикка кириши гольфдаги йирик турнирлар, бонуслар ва халқаро келишувлар спортчилар даромадига катта таъсир кўрсатишини кўрсатади. Сўнгги йилларда гольф бозоридаги рақобат, айниқса янги турнирлар ва катта мукофот жамғармалари спортчилар даромадини сезиларли оширган.

8. Карим Бензема — 104 млн доллар

Саккизинчи ўриндан франциялик футболчи Карим Бензема жой олди. Унинг йиллик даромади 104 млн долларга баҳоланган.

Бенземанинг кучли ўнталикка киришида Саудия Арабистонидаги йирик клуб шартномаси муҳим омил бўлган. Бу ҳолат Роналду билан бирга Саудия футбол бозори жаҳон спорт иқтисодиётида қанчалик катта таъсирга эга бўлиб бораётганини кўрсатади.

9. Кевин Дюрант — 103,8 млн доллар

Тўққизинчи ўринни NBA юлдузи Кевин Дюрант эгаллади. Унинг умумий даромади 103,8 млн долларга етган.

Дюрантнинг даромади баскетболдаги маоши, реклама келишувлари ва медиа-бизнесдаги иштироки орқали шаклланган. У спортдан ташқари фаолияти орқали ҳам даромад манбаларини кенгайтириб бораётган спортчилардан бири ҳисобланади.

10. Льюис Ҳэмилтон — 100 млн доллар

Кучли ўнталикни Formula-1 юлдузи Льюис Ҳэмилтон якунлади. Forbes унинг йиллик даромадини 100 млн долларга баҳолаган.

F1® 25 Iconic Edition | Download and Buy Today - Epic Games Store

Ҳэмилтоннинг рўйхатга кириши Formula-1нинг глобал аудиторияси, йирик брендлар билан ҳамкорлик ва шахсий имиж спортчи даромадига қанчалик таъсир қилишини кўрсатади. У нафақат автоспорт юлдузи, балки халқаро даражада танилган тижорий бренд сифатида ҳам катта қийматга эга.

Forbes ҳисоб-китобига кўра, дунёнинг энг кўп даромад олган 50 нафар спортчиси бир йил ичида жами 4,1 млрд доллар ишлаб топган. Кучли ўнталикнинг умумий даромади эса 1,4 млрд долларга етган.

Роналдудан Ҳэмилтонгача: 2026 йилда энг кўп даромад олган спортчилар рейтинги