“Пойтахт банк” кузатув кенгаши барча аъзоларининг ваколатлари муддатидан аввал тугатилди
“Пойтахт банк” АЖ кузатув кенгаши тўлиқ янгиланди.
Ягона акциядор қарори билан кенгашнинг аввалги таркиби ваколатлари муддатидан аввал тугатилди.
Янги таркибга Отабек Мустафаев раис этиб сайланиб, кенгашга икки нафар хорижий мутахассис киритилди.
“Пойтахт банк” АЖ кузатув кенгашининг янги таркиби тасдиқланди. Бу ҳақда банкнинг ягона аксиядори томонидан тегишли қарор қабул қилингани маълум қилинган.
Қарорга мувофиқ, банк кузатув кенгашининг қуйидаги аъзоларининг ваколатлари муддатидан аввал тугатилди:
- Вахабов Фаррух Абдурахимович
- Муҳаммад Васим Ҳаята
- Мирзақулов Толибжон Олтинович
- Бахадиров Улуғбек Ходжитўраевич
- Шокиров Фарход Мансур ўғли
Фаррух Вахабов шу вақтгача банк кузатув кенгаши раиси сифатида фаолият юритиб келган. Шунингдек, Муҳаммад Васим Ҳаята ва Фарход Шокиров ҳам 2024-йил охиридан буён кузатув кенгаши аъзолари сифатида ишлаб келаётган эди.
Мазкур шахслар ўрнига банк кузатув кенгашининг янги таркиби қуйидагича тасдиқланди:
- Мустафаев Отабек Садикович — Кузатув кенгаши раиси
- Хамдамов Сардор Бахтиёр ўғли — Кузатув кенгаши раиси ўринбосари
- Сапаров Баходир Актамович — мустақил аъзо
- Валид Жаафар — кузатув кенгаши аъзоси
- Сед Насан Шаҳеряр — кузатув кенгаши аъзоси
