Помидор, қовоқ ва поезд чипталари: февраль ойида Ўзбекистонда энг кўп нималар қимматлашди?
2026 йил февраль ойида мамлакатда истеъмол товарлари ва хизматлари нархлари ўртача 0,6% га ошди.
Йиллик инфляция 7,3% ни ташкил этиб, ўтган йилнинг шу даврига нисбатан пасайган.
Ой давомида айрим озиқ-овқат маҳсулотлари ва транспорт хизматлари нархининг ошиши умумий инфляцияга сезиларли таъсир кўрсатди.
Миллий статистика қўмитаси маълумотларига кўра, 2026 йил февраль ойида Ўзбекистонда истеъмол секторидаги товар ва хизматлар нархлари ўртача 0,6 % га ошди.
Йиллик инфляция 7,3% ни ташкил этиб, 2025 йил февралидаги 10,1% га нисбатан 2,8 фоиз бандга паст бўлди.
Февраль ойида озиқ-овқат маҳсулотлари нархлари ўртача 0,9%, ноозиқ-овқат товарлари 0,2%, аҳолига кўрсатиладиган пуллик хизматлар эса 0,6% га қимматлашди.
Озиқ-овқат маҳсулотлари
Инфляцияга энг катта таъсир қилган маҳсулотлар қуйидагилар бўлди:
- помидор — 12,1%
- қовоқ — 11,7%
- картошка — 5,0%
- олма — 4,1%
- узум — 3,5%
- банан — 3,0%
- қўй гўшти — 2,6%
- шакар — 2,1%
- сабзи — 1,8%
- мол гўшти — 1,6%
- парранда гўшти — 1,4%
- тухум — 0,7%
- нон — 0,6%
- биринчи навли буғдой уни — 0,5%
Шу билан бирга, айрим маҳсулотлар нархи пасайиб, инфляцияни чекловчи омил бўлди. Жумладан:
- бодринг — −13,8%
- мандарин — −5,6%
- гуруч ва гуруч оқшоғи — −0,9%
Ноозиқ-овқат маҳсулотлари
Ноозиқ-овқат сегментида айрим товарлар нархининг ошиши кузатилди:
- қимматбаҳо металлардан тайёрланган никоҳ узуклари — 1,5%
- томир кенгайтирувчи дори воситалари — 0,6%
Бунда AI-92 маркали бензин нархи ўртача 0,5% га арзонлашди.
Хизматлар
Хизматлар секторида қуйидаги йўналишларда сезиларли нарх ўсиши кузатилди:
- узоқ масофали поезд қатновлари — 14,0%
- маиший чиқинди учун тўлов — 4,7%
- ички ва халқаро авиақатновлар — 4,4%
- стоматологик профилактика хизматлари — 1,0%
- сартарошхона хизматлари (эркаклар ва болалар учун) — 0,9%
- такси хизматлари — 0,9%
Ёқилғи нархлари
Ой давомида бензин истеъмол нархлари ўртача 0,5 % га пасайди. Хусусан:
- AI-92 — −0,5%
- AI-95 — +0,7%
- AI-98 ва AI-100 — +0,3 %
Пропаннинг нархи ой давомида 1,9 % га ошиб, 1 литр учун юқори нарх чегараси 8 500 сўмни ташкил этди. Метан нархи эса деярли ўзгармади (+0,1 %), бироқ 2025 йил февралига нисбатан 30,3 % юқори даражада сақланиб қолди.
Шунингдек, шахсий транспорт воситаларига техник хизмат кўрсатиш ва таъмирлаш хизматлари 0,8 % га қимматлашди.
