Ўзбекистонда ипотека кредитлари: қайси банкларда фоизлар энг паст?

2026 йил 10 март ҳолатига кўра, тижорат банкларида бирламчи ва иккиламчи уй-жой сотиб олиш учун ипотека кредитлари бўйича фоизлар 0 фоиздан 32 фоизгача бўлган оралиқда шаклланган. Бу ҳақда Ўзбекистон ипотекани қайта молиялаштириш компанияси маълумотларида келтирилган.

Энг паст фоиз таклиф қилаётган банклар

Бирламчи ва иккиламчи уй-жой ипотекаси бўйича энг паст фоиз ставкалари қуйидаги банкларда кузатилган:

• Apexbank — 0%
• Асакабанк — 0%дан 24,5%гача
• OFB — 0%дан 26%гача
• Ипотека банк — 0%дан 26,9%гача

Энг юқори фоиз ставкалари

Айрим банкларда ипотека кредитлари бўйича фоиз ставкалари нисбатан юқори:

• Пойтахт банк — 28–32%
• Садератбанк — 28%
• Гарант банк — 26–28%
• Давр банк — 25,9–28,9%

Энг катта ипотека миқдорини таклиф қилган банклар

Таҳлилга кўра, ипотека кредитининг максимал миқдори ҳам банклар кесимида сезиларли фарқ қилади. Қуйидаги банклар энг йирик миқдорда таклиф қилмоқда:

• Ipak Yuli Banki — 3 млрд 420 млн сўмгача
• Универсал банк — 3 млрд сўмгача
• БРБ — 2 млрд 60 млн сўмгача
• Асакабанк ва Ziraat Bank — 2 млрд сўмгача

Яшил таъмир ва уй-жойни таъмирлаш кредитлари

Бундай кредитлар бўйича энг паст фоиз ставкалари қуйидаги банкларда қайд этилган:

• Агробанк — 18–20%
• Микрокредитбанк — 18%
• ОФБ — 19%

Аниқ шартлар ва қўшимча талаблар бўйича тижорат банкларига мурожаат қилиш тавсия этилади. Банклар веб-сайтлари манзиллари билан бу ерда танишиш мумкин