“Ўзбекгидроэнерго” кузатув кенгашига Franklin Templeton ва хорижий инвестор вакиллари киритилди

“Ўзбекгидроэнерго” АЖ Кузатув кенгаши таркибида ўзгаришлар бўлиб ўтди. Бу ҳақда жамиятнинг 13 март куни бўлиб ўтган йиғилишида маълум қилинган. 

Йиғилиши қарорига кўра, қуйидаги аъзоларнинг ваколатлари муддатидан олдин тугатилди:

• Мустафоев Кувончбек Мухтор ўғли – Иқтисодиёт ва молия вазирлигининг саноат сиёсатини амалга ошириш департаменти директори ўринбосари;
• Ходжаев Шерзод Хикматуллаевич – Энергетика бозорини ривожлантириш ва тартибга солиш агентлиги директори;
• Шукуров Беҳруз Комилжон ўғли – Иқтисодиёт ва молия вазирлигининг давлат иштирокидаги корхоналарда корпоратив бошқарув бошқармаси бош мутахассиси

Уларнинг ўрнига Кузатув кенгашига уч нафар шахс киритилди:

• Миралиев Алишер Эркинович – Давлат активларини бошқариш агентлиги директори ўринбосари;
• Какурин Никита Иванович – Frank Templeton Asset Management компаниясининг катта инвестицион менежери (мустақил аъзо);
• Мартин Бернштеин – Amber Hill Capital (АҚШ) компаниясининг бошқарувчи ҳамкори (мустақил аъзо).

Маълумот учун “Ўзбекгидроэнерго”нинг 40 фоизлик улуши Franklin Templeton бошқарадиган Миллий Инвестиция жамғармасига тегишли.