Марказий банк фирибгарлик ҳолатларидан огоҳлантирмоқда
Қайд этилишича, Марказий банкнинг Finlit лойиҳаси номи остида фирибгарлик билан шуғулланувчи инсонлар аниқланган.
Марказий банки фуқароларни Finlit.uz номи остида содир этилаётган фирибгарлик ҳолатларидан огоҳлантирмоқда. Аниқланишича, айрим шахслар ушбу номдан фойдаланиб, ноқонуний молиявий хизматлар таклиф қилмоқда.
Шуни алоҳида таъкидлаш керакки, @finlituzb ва @finlituzb_ru саҳифалари – Марказий банкнинг Молиявий саводхонлик ва оммабопликни ошириш департаменти томонидан юритиладиган расмий саҳифалар ҳисобланади.
Марказий банк ва Finlit.uz лойиҳасининг асосий мақсади – аҳолининг молиявий саводхонлигини оширишдир. Шу сабабли, бу лойиҳа доирасида ташкил этиладиган барча ўқув дарслари, семинар-тренинглар, маҳорат дарслари ва бошқа тадбирлар мутлақо бепул тарзда ўтказилади.
Шу билан бирга, Finlit.uz қуйидаги хизматлар билан ҳеч қачон шуғулланмайди:
- кредит бериш;
- омонат қабул қилиш;
- тўловларни амалга ошириш;
- пуллик молиявий маслаҳатлар кўрсатиш.
Агар сизда шубҳали саҳифалар ёки хабарлар юзасидан саволлар туғилса, Finlit.uz администраторига – @finlitteam орқали мурожаат қилишингиз мумкин.
