Доллар расмий курси сўнгги саккиз ойдаги энг паст кўрсаткичга тушди

Марказий банк 6 август учун АҚШ долларининг расмий курсини 11 886,72 сўм этиб белгилади. Америка валютаси бир кунда 55,49 сўмга арзонлаб, 2025 йил декабридан буён энг паст даражага тушди.

5 август учун бир доллар 11 942,21 сўмга тенг эди. Шу тариқа, курс бир кунда 55,49 сўм ёки 0,5 фоизга пасайди.

Бу 2025 йил 4 декабрдан кейинги даврда кузатилган энг паст кўрсаткичдир. Доллар охирги марта бундан арзонроқ — 11 880,93 сўм даражасида 2025 йил 3 декабрда бўлган.

Курс кетма-кет иккинчи кун пасаймоқда. Икки кун ичида доллар 102,74 сўм ёки 0,9 фоизга арзонлашди.

Йил бошида АҚШ валютаси 12 025,33 сўмдан баҳоланган эди. Шундан бери расмий курс 138,61 сўм ёки 1,2 фоизга пасайди.

Айни пайтда евро курси 25,83 сўмга арзонлаб, 13 717,27 сўмни ташкил этди. Россия рубли эса 1,05 сўмга пасайиб, 146,37 сўмга тушди.