Доллар курси 22 ойлик минимум даражага тушди

Ўзбекистонда доллар расмий курси сўнгги йилларда кузатилмаган паст даражага етди.

Марказий банк маълумотларига кўра, 18 сентябрь куни амалда бўладиган АҚШ валютасининг сўмга нисбатан қиймати 30,89 сўмга пасайиб, 12 254,27 сўмни ташкил этди.

Бу кўрсаткич охирги 22 ой ичида қайд этилган энг паст даража бўлиб, долларнинг бундай пасайиши сўнгги марта 2023 йил 6 ноябрда кузатилган эди.

Шу тариқа, сентябрь ойининг ўзида курс 228,11 сўмга, йил бошидан эса 666,21 сўмга арзонлади.