Баходир Мирзаев “Гарант банк” Бошқарув раисининг биринчи ўринбосари лавозимидан озод этилди
У мазкур лавозимда 2025 йил ноябрь ойидан бери ишлаб келаётган эди.
“Гарант банк” АЖ Кузатув кенгашининг 2026 йил 2 февралда бўлиб ўтган навбатдаги йиғилиши қарорига мувофиқ, банк Бошқаруви таркибида кадрлар бўйича ўзгариш амалга оширилди.
Бу ҳақда Корпоратив маълумотлар ягона порталида эълон қилинган маълумотларда келтирилган.
Йиғилишда қабул қилинган қарорга асосан, Банк Бошқаруви раисининг биринчи ўринбосари Мирзаев Баходир Алимовичнинг Бошқарув аъзоси сифатидаги ваколатлари муддатидан олдин тугатилди.
Баходир Мирзаев мазкур лавозимда 2025 йил ноябрь ойидан бери ишлаб келаётган эди.
Таъкидланишича, Мирзаев Баходир Алимович билан тузилган меҳнат шартномаси тарафлар ўртасидаги ўзаро келишувга биноан бекор қилинган.
Ушбу қарор Кузатув кенгаши аъзолари томонидан бир овоздан маъқулланган.
