Apple сентябрь ойида илк букланувчи смартфони — iPhone Fold’ни тақдим этиши мумкин
Қурилма 2026 йил сентабр ойида, iPhone 18 Pro линияси билан бирга тақдим этилиши мумкин.
Манбаларга кўра, смартфон 7,8 дюймли ички букланувчи экран ва 5,5 дюймли ташқи дисплей, А20 чип, 12 ГБ оператив хотира, 48 MP иккита асосий камера ҳамда ён тугмага ўрнатилган Touch ID билан жиҳозланади.
Қурилма жуда юпқа корпус ва деярли изсиз букланувчи экран билан келиши кутилмоқда.
Apple илк букланувчи смартфони — iPhone Fold’ни тақдим этишга тайёрланаётгани ҳақида хабарлар тарқалди.
Қурилма 2026 йил сентабрида, компаниянинг 50 йиллиги муносабати билан iPhone 18 Pro линияси билан бирга намойиш қилиниши кутилмоқда. Айрим манбаларга кўра, Apple маҳсулот сифати ва функционаллиги ўз стандартларига тўлиқ мос келишини таъминлаш учун тақдимотни 2026 йил декабрига қадар кечиктириши ҳам мумкин.
Янги модель Apple’нинг букланувчи смартфонлар бозоридаги илк қурилмаси бўлади. Компания дисплей технологиясини ишлаб чиқишда Samsung билан ҳамкорлик қилмоқда. Apple’нинг асосий мақсадларидан бири — ҳозирги букланувчи телефонларда учрайдиган экран ўртасидаги букилиш изини имкон қадар камайтириш ёки бутунлай йўқотишдир. Бу фойдаланувчилар учун янада силлиқ ва сифатли экран тажрибасини таъминлашга қаратилган.
Тахминий маълумотларга кўра, iPhone Fold 7,8 дюймли ички LTPO OLED букланувчи дисплей ва 5,5 дюймли ташқи экран билан жиҳозланади. Қурилмада янги А20 Pro процессори, камида 12 GB оператив хотира, ҳамда титан ва алюминий аралашмасидан тайёрланган корпус бўлиши мумкин. Шунингдек, телефон ёйилганда атиги 4,5 мм қалинликка эга бўлиши кутилмоқда, бу эса уни Apple тарихидаги энг юпқа қурилмалардан бирига айлантиради.
Агар бу лойиҳа муваффақиятли амалга ошса, iPhone Fold нафақат Apple учун муҳим янгилик, балки бутун смартфон саноатида букланувчи қурилмалар ривожига янги босқич очиши мумкин.
