OpenAI Ўзбекистонда солиқ тўловчи сифатида рўйхатдан ўтди
Маълумот учун, ушбу компания машҳур ChatGPT платформаси яратувчиси ҳисобланади. Шу тариқа, Ўзбекистонда расмий солиқ тўловчи хорижий интернет-компаниялар сони 67 тага етди.
Америкалик сунъий интеллект компанияси OpenAI Ўзбекистонда солиқ тўловчи сифатида рўйхатдан ўтди.
2025 йил 8 апрель куни ChatGPT яратувчиси Солиқ қўмитасининг электрон хизматлар платформасида ҚҚС (қўшилган қиймат солиғи) тўловчиси сифатида рўйхатдан ўтган.
Шу тариқа, Ўзбекистонда расмий солиқ тўловчи хорижий интернет-компаниялар сони 67 тага етди.
OpenAI — сунъий интеллект технологияларини ишлаб чиқишга ихтисослашган компания бўлиб, унинг энг машҳур маҳсулоти ChatGPT ҳисобланади. Ушбу чат-бот фойдаланувчиларга саволларга жавоб бериш, матн ёзиш, таржима қилиш, код ёзишда ёрдам бериш каби турли функцияларни таклиф этади.
Шунингдек, ChatGPT бир неча ойдан бери Ўзбекистонлик фойдаланувчилар томонидан энг кўп юклаб олинган иловалар қаторида бўлиб турибди.
Эслатиб ўтамиз, хорижий интернет-компаниялар 2024 йилда Ўзбекистонда 115,8 млрд сўм солиқ тўлаган.
